ന്യൂദല്ഹി: രാജ്യത്തെ പ്രമുഖ അന്വേഷണ ഏജന്സിയായ സിബിഐ തലപ്പത്തെ തര്ക്കത്തെ കുറിച്ച് കേന്ദ്ര വിജിലന്സ് കമ്മീഷന് അന്വേഷിക്കാമെന്ന് കേന്ദ്ര ധനമന്ത്രി അരുണ് ജെയ്റ്റ്ലി.
സിബിഐയുടെ വിശ്വാസ്യത നിലനിര്ത്തേണ്ടത് അനിവാര്യമാണ്. മാത്രമല്ല അച്ചടക്കലംഘനം അനുവദിക്കാനും സാധിക്കില്ല. അതിനാലാണ് സിബിഐ ഉദ്യോഗസ്ഥരായ അലോക് വര്മയെയും രാകേഷ് അസ്താനയെയും മാറ്റിനിര്ത്തി സ്വതന്ത്ര അന്വേഷണ ഏജന്സിയെ കേസ് ഏല്പ്പിക്കുന്നത്. കേന്ദ്ര വിജിലന്സ് കമ്മീഷന്റെ നിര്ദേശപ്രകാരമാണ് ഉദ്യോഗസ്ഥരെ മാറ്റിയത്. അദ്ദേഹം പറഞ്ഞു.
കേസില് സ്പെഷ്യല് ഡയറക്ടര് രാകേഷ് അസ്താന ഡയറക്ടര് അലോക് വര്മയ്ക്കെതിരെയും സിബിഐ സ്പെഷ്യല് ഡയറക്ടര്ക്കെതിരെയുമാണ് തിരിഞ്ഞിരിക്കുന്നത്. ഇതുപ്രകാരം സിബിഐ ഉന്നതതല ഉദ്യോഗസ്ഥരും പ്രതികളാണ്. അപ്പോള് കേസ് ആര് അന്വേഷിക്കും? പ്രത്യേക അന്വേഷണ സംഘത്തെ കേസ് ഏല്പ്പിക്കുകയാണ് നല്ലത്. എന്നാല് ഇക്കാര്യത്തില് തീരുമാനമെടുക്കേണ്ടതും അന്വേഷണം നടത്തേണ്ടതും കേന്ദ്ര വിജിലന്സ് കമ്മീഷനാണ്, അദ്ദേഹം കൂട്ടിച്ചേര്ത്തു.
സിബിഐ ഡയറക്ടറെയും ഉപമേധാവിയെയും മാറ്റിനിര്ത്തിയത് താല്ക്കാലികമാണ്. ഇരുവരും നിരപരാധികളാണ് എന്ന് തെളിഞ്ഞാല് തിരിച്ചെത്തുമെന്നും ജെയ്റ്റ്ലി പറഞ്ഞു. റഫാല് ഇടപാട് അലോക് വര്മ അന്വേഷിക്കുമെന്ന ആശങ്കയെത്തുടര്ന്നാണ് വര്മയെ മാറ്റിയതെന്ന കോണ്ഗ്രസ് ആരോപണം അദ്ദേഹം തള്ളി. ഒരു ഓഫീസറുടെ മനസ്സിലിരിപ്പ് കോണ്ഗ്രസ് മനസിലാക്കിയെങ്കില് ആ ഉദ്യോഗസ്ഥനുമായി ബന്ധം ഉണ്ടെന്നു വേണം കരുതാന്. അങ്ങനെയെങ്കില് ആ ഉദ്യോഗസ്ഥന്റെ സത്യസന്ധത സംശയത്തിലാണ്. ജെയ്റ്റ്ലി പറഞ്ഞു.
സിബിഐ തലപ്പത്തെ ഉള്പ്പോര് ശക്തമായതിനെ തുടര്ന്ന് അലോക് വര്മയെ തല്സ്ഥാനത്ത് നിന്ന് കേന്ദ്രസര്ക്കാര് മാറ്റിയിരുന്നു. കഴിഞ്ഞ ദിവസം അര്ധരാത്രി ചേര്ന്ന അപ്പോയിന്റ്മെന്റ് കമ്മിറ്റിയാണ് തീരുമാനമെടുത്തത്. ജോയിന്റ് ഡയറക്ടര് എന്. നാഗേശ്വരറാവുവിനാണ് ഡയറക്ടറുടെ താല്ക്കാലിക ചുമതല നല്കിയത്. കൈക്കൂലി കേസില് പ്രതിയായ സ്പെഷല് ഡയറക്ടര് രാകേഷ് അസ്താനയോട് അവധിയില്പോകാനും കേന്ദ്രസര്ക്കാര് ആവശ്യപ്പെട്ടിരുന്നു.
