കൊച്ചി: ഹാരിസണ്‍സ് മലയാളം ലിമിറ്റഡിന്റെ ഹോള്‍ടൈം ഡയറക്ടറും ചീഫ് എക്സിക്യൂട്ടീവുമായി (എസ്ബിയു-എ) വെങ്കിട്ടരാമൻ ആനന്ദ് നിയമിതനായി. 34 വര്‍ഷത്തോളം വിവിധ മേഖലകളില്‍ പ്രവര്‍ത്തി പരിചയമുള്ള അദ്ദേഹം ആസാം, പശ്ച്ചിമബംഗാള്‍, തമിഴ്നാട്, കേരളം തുടങ്ങിയ സംസ്ഥാനങ്ങളില്‍ സേവനമനുഷ്ഠിച്ചിട്ടുണ്ട്.
റുങ്കമറ്റേ ടീ ആന്‍ഡ് ഇന്‍ഡസ്ട്രീസ് ലിമിറ്റഡ് എന്ന സ്ഥാപനത്തില്‍ ജോലിയില്‍ പ്രവേശിച്ച അദ്ദേഹം 12 വര്‍ഷക്കാലം അവിടെ സേവനം അനുഷ്ഠിച്ചു. തുടര്‍ന്ന് മുരുഗപ്പ ഗ്രൂപ്പിന്റെ പ്ലാന്റേഷന്‍ കമ്പനിയായ പാരി ആഗ്രോ ഇന്‍ഡസ്ട്രീസ് ലിമിറ്റഡില്‍ ചേര്‍ന്ന് 17 വര്‍ഷത്തോളം പ്രവര്‍ത്തിച്ചു. കഴിഞ്ഞ 5 വര്‍ഷമായി അസ്പിന്‍വാള്‍ ആന്‍ഡ് കമ്പനി ലിമിറ്റഡില്‍ ചീഫ് എക്സിക്യൂട്ടീവും, ഡയറക്ടര്‍ ബോര്‍ഡ് അംഗവുമായി പ്രവര്‍ത്തിച്ചുവരികയായിരുന്നു.
പ്രതികരിക്കാൻ ഇവിടെ എഴുതുക: