പുത്രജയ: വിവാദ മതപ്രഭാഷകനും ധാക്ക സ്ഫോടനത്തിന്റെ പ്രചോദകനുമായ സക്കീര് നായിക്കിനെ ഇന്ത്യക്ക് വിട്ടുനല്കില്ലെന്ന് മലേഷ്യന് പ്രധാനമന്ത്രി മഹാതീര് മുഹമ്മദ്.
സക്കീറിന് മലേഷ്യ സ്ഥിരം താമസത്തിന് അനുമതി നല്കിയിട്ടുണ്ട്. ഇവിടെ കുഴപ്പങ്ങള് ഉണ്ടാക്കാത്തിടത്തോളം കാലം സക്കീറിനെ മടക്കി അയക്കില്ല. മഹാതീര് വാര്ത്താലേഖകരോട് പറഞ്ഞു. ഇയാളെ ഇന്ത്യക്ക് ഉടന് കൈമാറുമെന്ന റിപ്പോര്ട്ടുകളെ സംബന്ധിച്ചുള്ള ചോദ്യങ്ങളോട് പ്രതികരിക്കുകയായിരുന്നു മഹാതീര്.
കുറ്റവാളികളെ കൈമാറാനുളള കരാറില് ഇന്ത്യയും മലേഷ്യയും തമ്മില് ഒപ്പിട്ടിട്ടുണ്ട്. ഇയാളെ കൈമാറാന് ഇന്ത്യ മലേഷ്യയോട് അഭ്യര്ഥിച്ചിരുന്നു. വര്ഗീയ സ്പര്ധ വളര്ത്താന് ശ്രമിച്ചുവെന്നതിനടക്കം ഇന്ത്യയില്ഇയാള്ക്കെതിരെ കേസുകളുണ്ട്.
