സ്‌റ്റൈപ്പന്റോടെ ജനറല്‍ നഴ്‌സിംഗ് പഠിക്കാം

സംസ്ഥാനത്തെ 14 സര്‍ക്കാര്‍ നഴ്‌സിംഗ് സ്‌കൂളുകളിലും കൊല്ലം ആശ്രാമത്തെ പട്ടികജാതി/വര്‍ഗ്ഗക്കാര്‍ക്കുള്ള നഴ്‌സിംഗ് സ്‌കൂളിലും പ്രതിമാസം 700 രൂപ സ്‌റ്റൈപ്പന്റോടെ ജനറല്‍ നഴ്‌സിംഗ് ആന്റ് മിഡ്‌വൈഫറി കോഴ്‌സ് പഠിക്കാന്‍ അവസരം. ഒക്‌ടോബര്‍ മാസത്തിലാരംഭിക്കുന്ന കോഴ്‌സില്‍ പ്രവേശനത്തിന് ജൂലൈ 21 വരെ അപേക്ഷകള്‍ സ്വീകരിക്കും. അപേക്ഷാഫോറവും പ്രോസ്‌പെക്ടസും www.dhskerala.gov.in- ല്‍നിന്നും ഡൗണ്‍ലോഡ് ചെയ്യാം.

പൂരിപ്പിച്ച അപേക്ഷകള്‍ അതത് ജില്ലയിലുള്ള ഗവണ്‍മെന്റ് നഴ്‌സിംഗ് സ്‌കൂള്‍ പ്രിന്‍സിപ്പലിന് ജൂലൈ 21 ന് മുമ്പായി സമര്‍പ്പിക്കണം. അപേക്ഷാ ഫീസ് 250 രൂപയാണ്. പട്ടികജാതി/വര്‍ഗ്ഗക്കാര്‍ക്ക് 75 രൂപ മതി. കൊല്ലം ആശ്രാമത്തെ പട്ടികജാതി/വര്‍ഗ്ഗക്കാര്‍ക്കായുള്ള സ്‌കൂളിലേക്ക് പ്രത്യേകം അപേക്ഷിക്കേണ്ടതാണ്. അപേക്ഷാ സമര്‍പ്പണത്തിനുള്ള നിര്‍ദ്ദേശങ്ങള്‍ പ്രോസ്‌പെക്ടസിലുണ്ട്. 20% സീറ്റുകളില്‍ ആണ്‍കുട്ടികളെ പ്രവേശിപ്പിക്കും.

ആകെ 365 സീറ്റുകള്‍. ഓരോ ജില്ലയ്‌ക്കും ലഭ്യമായ സീറ്റുകള്‍- തിരുവനന്തപുരം-28, കൊല്ലം-25, പത്തനംതിട്ട-20, ആലപ്പുഴ-23, ഇടുക്കി-20, കോട്ടയം-20, എറണാകുളം-30, തൃശൂര്‍-28, പാലക്കാട്-25, മലപ്പുറം-26, കോഴിക്കോട്-50, വയനാട്-20, കണ്ണൂര്‍-30, കാസര്‍കോഡ്-20. കൊല്ലം ആശ്രാമം-20. ഓരോ ജില്ലയിലും ലഭ്യമായ സീറ്റുകളില്‍ 60% മെരിറ്റിലും 40% സംവരണചട്ടങ്ങള്‍ പാലിച്ചും പ്രവേശനം നല്‍കും.

അപേക്ഷകര്‍ക്ക് 2018 ഡിസംബര്‍ 31 ന് 17 വയസ്സ്തികയണം. 27 വയസ്സ് കവിയരുത്. ഒബിസികാര്‍ക്ക് 3 വര്‍ഷവും എസ്‌സി/എസ്ടിക്കാര്‍ക്ക് 5 വര്‍ഷവും പ്രായപരിധിയില്‍ ഇളവുണ്ട്. പട്ടികജാതിയില്‍നിന്നും മതപരിവര്‍ത്തനം ചെയ്തിട്ടുള്ളവര്‍ക്കും സന്താനങ്ങള്‍ക്കും 5 വര്‍ഷത്തെ വയസ്സിളവ് ലഭിക്കും.

ഫിസിക്‌സ്, കെമിസ്ട്രി, ബയോളജി, ഇംഗ്ലീഷ് വിഷയങ്ങളോടെ പ്ലസ്ടു/തത്തുല്യ പരീക്ഷ 40% മാര്‍ക്കില്‍ കുറയാതെ വിജയിച്ചവര്‍ക്ക് അപേക്ഷിക്കാം. എസ്‌സി/എസ്ടിക്കാര്‍ക്ക് മിനിമം പാസ്മാര്‍ക്ക് മതി.

സീറ്റുകള്‍: ഗവണ്‍മെന്റ് നഴ്‌സിംഗ് സ്‌കൂളുകള്‍ തിരുവനന്തപുരം (ജനറല്‍ ആശുപത്രിക്ക് സമീപം), കൊല്ലം, പത്തനംതിട്ട (ഇലന്തൂര്‍), ഇടുക്കി (മുട്ടം), ആലപ്പുഴ, തൃശൂര്‍, പാലക്കാട്, മലപ്പുറം (മഞ്ചേരി), വയനാട് (പനമരം), കോഴിക്കോട്, കണ്ണൂര്‍, കാസര്‍കോഡ് (കാഞ്ഞങ്ങാട്) എന്നിവിടങ്ങളിലാണുള്ളത്. കൂടുതല്‍ വിവരങ്ങള്‍ www.dhskerala.gov.in ല്‍ പ്രോസ്‌പെക്ടസിലുണ്ട്.