പായം: നിസ്സാര കാരണങ്ങളുടെ പേരില്പ്പോലും വ്യക്തികള് തമ്മില് അകലുന്ന ഇന്നത്തെ സമാജം പായം നിവേദിത സേവാകേന്ദ്രത്തിന്റെ പ്രവര്ത്തനങ്ങള് കണ്ട് പഠിക്കണമെന്ന് ഇരിട്ടി എംജി കോളേജ് പ്രൊഫസര് ഡോ.കെ.വി.ദേവദാസ് അഭിപ്രായപ്പെട്ടു. നിവേദിതയുടെ വാര്ഷിക പരിപാടിയായ സര്ഗ്ഗോത്സവം 2018 ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പല കാരണങ്ങള്കൊണ്ട് സമൂഹത്തില് നിന്ന് പിന്തള്ളപ്പെട്ടവരിലും സര്ഗ്ഗവാസനകളുണ്ടാകും. സ്നേഹത്തോടെയും ലക്ഷ്യബോധത്തോടെയും പ്രവര്ത്തിച്ചാല് ഇതുപോലെയുള്ളവരെ വൈഡൂര്യമാക്കി മാറ്റാന് സാധിക്കുമെന്ന് നിവേദിതയുടെ പ്രവര്ത്തനത്തിലൂടെ മനസ്സിലാക്കാന് കഴിയുന്നുവെന്ന് പ്രഗതി കരിയര് ഗൈഡന്സ് മേധാവി അജയന് മാസ്റ്റര് അനുമോദനം ഏറ്റുവാങ്ങിയ ശേഷം നടത്തിയ പ്രഭാഷണത്തില് അഭിപ്രായപ്പെട്ടു.
സേവനോന്മുഖമായ പ്രവര്ത്തനങ്ങള് വളരെ പ്രശംസനീയമാണെന്നും ഇതുപോലുള്ള ഗ്രാമത്തില് ജനിക്കാന് കഴിയുന്നത് ഭാഗ്യമായി കരുതുന്നുവെന്നും വിദ്യാര്ത്ഥി സേവാട്രസ്റ്റ് ജില്ലാ കോര്ഡിനേറ്റര് പി.വി.പ്രിജു സൗജന്യ നോട്ട് പുസ്തക വിതരണം ഉദ്ഘാടനം ചെയ്തുകൊണ്ട് അഭിപ്രായപ്പെട്ടു. മാധ്യമപ്രവര്ത്തകന് ഉന്മേഷ് പായം, കണ്ണൂര് ടൗണ് എസ്ഐ ശ്രീജിത്ത് കൊടേരി, കഴിഞ്ഞ നാല്പ്പത് വര്ഷത്തോളമായി പായം ഗ്രാമത്തില് പത്രവിതരണം നടത്തുന്ന പുരുഷോത്തമന് തുടങ്ങിയവരെ ആദരിച്ചു.
നിവേദിത സേവാകേന്ദ്രം പ്രസിഡണ്ട് എം.പ്രകാശന് മാസ്റ്റര് അധ്യക്ഷത വഹിച്ചു. ഗിരീഷ കൈതേരി, എം.ഉണ്ണികൃഷ്ണന്, ടി.കെ.ജോര്ജ്ജ്കുട്ടി, പി.കെ.അജയ്, ആര്യ രാജശേഖരന്, ഷീല ഭാസ്കരന് തുടങ്ങിയര് സംസാരിച്ചു. ചടങ്ങില് പങ്കെടുത്ത എല്ലാവര്ക്കും സമ്മാനങ്ങളും 132 വിദ്യാര്ത്ഥികള്ക്ക് സൗജന്യമായി നോട്ടുപുസ്തക വിതരണവും നടന്നു.
