ഫിലാഡല്ഫിയ: അപകടത്തില് പെട്ട വിമാനത്തിന്റെ ജനല് തകര്ന്ന് ശരീരത്തിന്റെ പകുതിയും പുറത്തേക്ക് വലിച്ചെടുക്കപ്പെട്ട നിലയില് യാത്രക്കാരി മരിച്ചു. ന്യൂ മെക്സിക്കോക്കാരിയായ ജെന്നിഫര് റയോര്ഡാനാണ് ഈ ദാരുണാന്ത്യം. ന്യൂയോര്ക്കിലെ ലാ ഗ്വാര്ഡിയയില് നിന്ന് ഡള്ളാസിലേക്ക് പോകുകയായിരുന്ന സൗത്ത് വെസ്റ്റ് എയര്ലൈന്സിന്റെ വിമാനമാണ് അപകടത്തില് പെട്ടത്.
യാത്രാമധ്യേ വിമാനത്തിന്റെ എഞ്ചിനുകളിലൊന്ന് പൊട്ടിത്തെറിച്ചതാണ് അപകടത്തിന് കാരണം. ഇതേത്തുടര്ന്ന് ജനലുകള് തകര്ന്നുണ്ടായ ദ്വാരത്തിലൂടെ ജെന്നിഫര് പുറത്തേക്ക് തെറിക്കുന്ന അവസ്ഥിയിലായിരുന്നു. സഹയാത്രികര് വലിച്ചെടുത്തെങ്കിലും ജീവന് രക്ഷിക്കാനായില്ല. ഏഴുയാത്രക്കാര്ക്ക് പരിക്കുണ്ട്. വിമാനത്തിന്റെ ചിറകുകളും തകരാറിലായി. തുടര്ന്ന് ഫിലാഡല്ഫിയായില് അടിയന്തിരമായി വിമാനമിറക്കി. ഇത്തരമൊരു അപകടം 2009 ലാണ് അവസാനമായുണ്ടായത്.
