തിരുവനന്തപുരം: നാട് നെഞ്ചേറ്റിയ വിജയത്തിന്റെ ശില്പികള്ക്ക് സംസ്ഥാനത്തിന്റെ ആദരം. സന്തോഷ് ട്രോഫി ജേതാക്കള്ക്കുള്ള കേരള സര്ക്കാരിന്റെ സ്വീകരണവും വിജയദിനാഘോഷവും മുഖ്യമന്ത്രി പിണറായി വിജയന് ഉദ്ഘാടനം ചെയ്തു. ടീമംഗങ്ങള്ക്കുള്ള ഉപഹാരവും ചെക്കും മുഖ്യമന്ത്രി സമ്മാനിച്ചു. മ്യൂസിയം ജംഗ്ഷനില് നിന്ന് ഘോഷയാത്രയോടെയാണ് തുറന്ന വാഹനത്തില് ടീമിനെ സെന്ട്രല് സ്റ്റേഡിയത്തിലേക്കു ആനയിച്ചത്.
പോലീസ് അശ്വാരൂഢ സേന, പോലീസ് ബാന്ഡ് മേളം, പോലീസ് ട്രെയിനിംഗ് കോളേജ് അംഗങ്ങള്, സ്റ്റുഡന്റ്സ് പോലീസ് കേഡറ്റുകള്, യുവജനക്ഷേമ ബോര്ഡ് വോളന്റിയര്മാര്, നെഹ്റു യുവകേന്ദ്ര അംഗങ്ങള്, എന്.എസ്.എസ് കേഡറ്റുകള്, സി.ആര്.പി.എഫ് സേന, റോളര് സ്കേറ്റിംഗ് പ്രകടനം, വിവിധ ക്ലബുകളിലെയും സ്കൂള് ഹോസ്റ്റലുകളിലെയും ഫുട്ബോള് ടീമുകള്, എല്.എന്.സി.പി.ഇ വിദ്യാര്ത്ഥികള്, കുടുംബശ്രീ യൂണിറ്റുകള്, പഞ്ചവാദ്യമേളം തുടങ്ങിയവ അകമ്പടിയായുണ്ടായിരുന്നു
മന്ത്രി എ.സി. മൊയ്തീന് അധ്യക്ഷത വഹിച്ചു. മന്ത്രിമാരായ കടകംപള്ളി സുരേന്ദ്രന് , മാത്യൂ ടി. തോമസ്, എ.കെ. ശശീന്ദ്രന്, രാമചന്ദ്രന് കടന്നപ്പള്ളി, കെ. രാജു, പ്രൊഫ. സി. രവീന്ദ്രനാഥ്, വി.എസ്. സുനില്കുമാര്, മേയര് വി.കെ. പ്രശാന്ത്, എം. വിന്സന്റ് എം.എല്.എ, സംസ്ഥാന സ്പോര്ട്സ് കൗണ്സില് പ്രസിഡന്റ് ടി.പി. ദാസന്, കേരള ഫുട്ബോള് അസോസിയേഷന് പ്രസിഡന്റ് കെ.എം.എ മേത്തര് തുടങ്ങിയവര് പങ്കെടുത്തു
