കോട്ടയം: ദമ്പതികളെ ആക്രമിച്ച ഓട്ടോറിക്ഷക്കാരുടെ നടപടി ചിത്രീകരിക്കാനെത്തിയ മാദ്ധ്യമപ്രവര്ത്തകന് ടിപി പ്രശാന്തിനെ കയ്യേറ്റം ചെയ്ത സംഭവത്തിലെ കുറ്റക്കാരുടെ ലൈസന്സും ഓട്ടോപെര്മിറ്റും റദ്ദാക്കണമെന്ന്് കോട്ടയം പ്രസ്ക്ലബില് ചേര്ന്ന മാദ്ധ്യമപ്രവര്ത്തകരൂടെ യോഗം ആവശ്യപ്പെട്ടു.
മര്ദ്ദിച്ച പ്രതിയെ പോലീസ് പിടികൂടാത്തതിനെ യോഗം അപലപിച്ചു. അക്രമം നടത്തിയ യഥാര്ഥ പ്രതി ഇപ്പോഴും ഒളിവിലാണ്. കുറ്റക്കാര്ക്കെതിരെ നിയമനടപടികളുമായി മുന്നോട്ടുപോകും.
പൊതുജനങ്ങളെ ഏറെക്കാലമായി അധിക്ഷേപിക്കുകയും കയ്യേറ്റം ചെയ്യുകയും ചെയ്യുന്ന ഓട്ടോത്തൊഴിലാളികള്ക്കിടയിലെ ക്രിമിനലുകള്ക്കെതിരെ കര്ശന നടപടിയെടുക്കണമെന്നും പ്രീപെയ്ഡ് ഓട്ടോറിക്ഷ കൗണ്ടര് തുറക്കണമെന്നും യോഗം ആവശ്യപ്പെട്ടു. ഇതടക്കം നിരവധി ആവശ്യങ്ങള് ഉന്നയിച്ച്് ജില്ലാ കളക്ടര്ക്കും ജില്ലാ പോലീസ് മേധാവിക്കും ആര്ടിഒക്കും പത്രപ്രവര്ത്തകയൂണിയന് ജില്ലാ ഘടകം പരാതി നല്കി.
കേരളത്തില് ഓട്ടോ- ടാക്സി പ്രീപെയ്ഡ് കൗണ്ടര് ഇല്ലാത്ത ഏക ജില്ല കോട്ടയമാണ് . കെഎസ്ആര്ടിസി, നാഗമ്പടം, തിരുനക്കര ബസ് സ്റ്റാന്റ്, റെയില്വേ സ്റ്റേഷന് എന്നിവിടങ്ങളില് അടിയന്തരമായി പ്രീപെയ്ഡ് കൗണ്ടര് സ്ഥാപിക്കണം.
യോഗത്തില് പ്രസ്ക്ളബ് സെക്രട്ടറി എസ്. സനില്കുമാര് അധ്യക്ഷനായി. സംസ്ഥാന സെക്രട്ടറി ഷാലു മാത്യു, ടിപി പ്രശാന്ത്്, സരിത കൃഷ്ണന്, ടി.കെ ഗോപാലകൃഷ്ണന്, ശ്രീജിത്ത് ചന്ദ്രന്, സിഎഎം കരീം, ചെറുകര സണ്ണീലൂക്കോസ്്, വി.ജയകുമാര്, എം.ശ്രീജിത്ത്, ബിജി കുര്യന്, റോഷന് ഭാനു, ജോമി കുര്യാക്കോസ് എന്നിവര് പങ്കെടുത്തു.
