കോട്ടയം: ഭാരതത്തിലെ മുഴുവന് ജനവിഭാഗത്തിനും തുല്യനീതി ഉറപ്പാക്കാന് ഏകീകൃത സിവില്കോഡ് നടപ്പിലാക്കണമെന്ന് ജോസഫ് പുലിക്കുന്നേല് അഭിപ്രായപ്പെട്ടു. ജോയിന്റ് ക്രിസ്ത്യന് കൗണ്സിലിന്റെ നേതൃത്വത്തില് കോട്ടയത്തു നടന്ന ‘െ്രെകസ്തവ സഭാ ചടങ്ങുകള് ഇന്ത്യന് ഭരണഘടനയെ വെല്ലുവിളിക്കുന്നുവോ?’ എന്ന സെമിനാറില് പങ്കെടുത്തു സംസാരിക്കുകയായിരുന്നു അദ്ദേഹം.
വത്തിക്കാന് പാസ്സാക്കിയ നിയമം ആണ് ഭാരതത്തിലെ പള്ളികളുടെ സമ്പത്ത് ഭരിക്കുന്നത്. ഭാരതം പരമാധികാര രാഷ്ട്രമാണ്. മതം മതത്തിന്റെ മേഖലയില് ആധ്യാത്മിക കാര്യങ്ങളില് മാത്രം ഒതുങ്ങി നില്ക്കണം. ഭാരതത്തിലെ കത്തോലിക്കരുടെ വിവാഹമോചനം സംബന്ധിച്ചുള്ള നിയമം കാനോന് നിയമത്തിന് വിധേയമാക്കണമെന്നാണ് ഇപ്പോള് മെത്രാന്മാര് വാദിക്കുന്നത്. എന്നാല് ഏകീകൃത സിവില് കോഡാണ് രാജ്യത്തിനാവശ്യം. അവിവാഹിതരായ മെത്രാന്മാരും പുരോഹിതരുമല്ല, വിവാഹിതരുടെ പ്രശ്നങ്ങള് കൈകാര്യം ചെയ്യേണ്ടത്.
എല്ലാ രൂപതകളിലും ഇപ്പോള് വിവാഹമോചനക്കോടതികളുണ്ട്. കാനോന് നിയമം അനുസരിച്ചാണ് സഭാ കോടതി നടപടികള്. വിവാഹം ഒരു കൂദാശയാണ്. അതോടൊപ്പം ഒരു കരാറും ആണ്. വിവാഹം കഴിക്കുന്ന ദമ്പതിമാര്ക്കും അവരുടെ സന്താനങ്ങള്ക്കും നൈയാമികമായി ചില അവകാശങ്ങള് ലഭിക്കുന്നു. ഈ അവകാശങ്ങള് നടപ്പാക്കാന് സിവില് കോടതിക്കേ കഴിയൂ. സഭാ കോടതികള്ക്കു കഴിയുകയില്ല. സിവില് അവകാശങ്ങളെ ഹനിക്കുമാറ് വിവാഹമോചനം സഭാ കോടതികള്ക്ക് വിട്ടുകൊടുക്കാന് പാടില്ലാത്തതാണ്. ഏകീകൃത സിവില്കോഡ് ഇതിന് ആവശ്യമാണ്.
പൗരന്മാരെ മതാടിസ്ഥാനത്തില് തിരിച്ചുകൊണ്ട് അവരുടെ അവകാശങ്ങള്ക്ക് അതിര്വരമ്പ് ഇടുന്നത് ഏക പൗരത്വം എന്ന കാഴ്ചപ്പാട് ഇല്ലാതാക്കുകയാണ് ചെയ്യുന്നത്. പൗരന്മാര്ക്കെല്ലാം മതനിരപേക്ഷമായി ഒറ്റ നിയമം ഉണ്ടാകണം. ഇല്ലെങ്കില് രാജ്യത്തിന്റെ ഭാവിക്ക് അപകടമായിരിക്കുമെന്നും അദ്ദേഹം അഭിപ്രായപ്പെട്ടു.
ജന്മഭൂമി: 2016 ജൂലൈ
