മഞ്ചേരി: മഞ്ചേരി നഗരസഭ കാര്യാലയത്തിന് പുതിയ ആസ്ഥാനം സാക്ഷാത്കൃതമാകുന്നു. കെട്ടിട നിര്‍മ്മാണ പ്രവൃത്തികള്‍ക്ക് 29ന് തുടക്കമാകും. ഇപ്പോള്‍ നഗരസഭ കാര്യാലയം പ്രവര്‍ത്തിക്കുന്ന കോഴിക്കോട് റോഡിലെ ഇന്‍ഡസ്ട്രിയല്‍ എസ്റ്റേറ്റ് റോഡിന് എതിര്‍വശത്തുള്ള സ്ഥലത്താണ് വ്യാപാര സമുച്ചയത്തോടുകൂടിയ കെട്ടിടം നിര്‍മ്മിക്കുന്നത്.
പ്രവൃത്തികള്‍ പൂര്‍ത്തിയാക്കി അടുത്ത വര്‍ഷം നവംബര്‍ ഒന്നിന് ഉദ്ഘാടനം ചെയ്യുകയാണ് ലക്ഷ്യമെന്ന് ചെയര്‍പേഴ്‌സണ്‍ വി.എം.സുബൈദ പറഞ്ഞു. 12.5 കോടി രൂപ ചെലവില്‍ ആധുനിക സൗകര്യങ്ങളോടെയാണ് കെട്ടിടം നിര്‍മ്മിക്കുന്നത്. പ്രവൃത്തികള്‍ക്കായി ആദ്യഘട്ടത്തില്‍ നഗരസഭ 9.5 കോടി രൂപ അനുവദിച്ചിട്ടുണ്ട്. കേരളാ അര്‍ബ്ബണ്‍ ആന്റ് റൂറല്‍ ഡെവലപ്‌മെന്റ് ഫിനാന്‍ഷ്യല്‍ കോര്‍പ്പറേഷനില്‍ നിന്ന് വായ്പയെടുത്താണ് പുതിയ കെട്ടിടം നിര്‍മ്മിക്കുന്നത്. മുനിസിപ്പല്‍ എഞ്ചിനീയറിംഗ് വിംഗിന്റെ നേതൃത്വത്തിലാണ് നിര്‍മ്മാണ പ്രവര്‍ത്തനങ്ങങ്ങള്‍ ആരംഭിക്കുന്നത്.
പ്രതികരിക്കാൻ ഇവിടെ എഴുതുക: