പള്ളുരുത്തി: മദ്യലഹരിയില്‍ വാഹനം ഓടിച്ച് അപകടമുണ്ടാക്കിയ സീനിയര്‍ സിവില്‍ പോലീസ് ഓഫീസര്‍ക്കെതിരെ ട്രാഫിക്ക് പോലീസ് കേസ്സെടുത്തു.
പള്ളുരുത്തി പോലീസ് സ്റ്റേഷനില്‍ ജോലി ചെയ്തു വരുന്ന അനില്‍ കുമാറിനെതിരെയാണ് കേസ്സെടുത്തത്.പള്ളുരുത്തി മറൈന്‍ ജംങ്ഷനിലൂടെ അമിത വേഗതയില്‍ കാറോടിച്ചു വന്ന ഇദ്ദേഹത്തിന്റെ വാഹനം വൈദ്യുതി പോസ്റ്റിലിടിച്ചു നില്‍ക്കുകയായിരുന്നു.
ജനത്തിരക്ക് ഏറെയുള്ള ഈ റോഡില്‍ അപകടമൊഴിഞ്ഞത് തലനാരിഴക്കാണ്. സംഭവം ചോദ്യം ചെയ്ത നാട്ടുകാര്‍ക്കെതിരെ ഇയാള്‍ തട്ടിക്കയറിയതായും പറയുന്നു. ഇയാള്‍ കുറച്ചു ദിവസമായി മെഡിക്കല്‍ ലീവിലാണെന്ന് പോലീസ്
അറിയിച്ചു.ഇയാളുടെ വാഹനം ട്രാഫിക് പോലീസ്
കസ്റ്റഡിയിലെടുത്തു.
പ്രതികരിക്കാൻ ഇവിടെ എഴുതുക: