കോട്ടയം: മാന്നാനം കെഇ കോളേജ് രസതന്ത്രവിഭാഗം സുവര്ണ്ണജൂബിലി ആഘോഷത്തിന്റെ ഭാഗമായി 27ന് രാവിലെ 9ന് പൂര്വ്വവിദ്യാര്ത്ഥികളുടെയും പൂര്വ്വഅദ്ധ്യാപകരുടെയും സംഗമം നടക്കും. മുന് യുജിസി വൈസ് ചെയര്മാന് ഡോ.വി.എന്.രാജശേഖരന്പിള്ള ഉദ്ഘാടനം ചെയ്യും. പ്രിന്സിപ്പല് ഡോ.ആന്റണി തോമസ് അദ്ധ്യക്ഷനാകും. ആധുനിക രസതന്ത്രശാന്ത്ര വിഷയങ്ങളെ ആസ്പദമാക്കി പ്രബന്ധങ്ങള് അവതരിപ്പിക്കും. ഉച്ചകഴിഞ്ഞ് ഓരോ ബാച്ചുകളുടെയും പ്രത്യേക യോഗങ്ങളും കലാപരിപാടികളും ഉണ്ടായിരിക്കും. 50വര്ഷത്തെ രസതതന്ത്ര വിഭാഗത്തിന്റെ ചരിത്രവും വളര്ച്ചയും ഉള്പ്പെടുന്ന ജൂബിലി സുവനീറിന്റെ ‘ഓര്മ്മകളുടെ രസതന്ത്രം’ പ്രകാശനം പ്രൊഫ.ജോസഫ്.ജെ.മുറികല്ലേല് നിര്വ്വഹിക്കും. പൂര്വ്വവിദ്യാര്ത്ഥികളുടെ സാമ്പത്തിക സഹായത്തോടെ ജൂബിലി സ്മാരകമായി നവീകരിച്ച പിജി ലാബിന്റെ ഉദ്ഘാടനവും ഉണ്ടാകുമെന്ന് രസതന്ത്ര മേധാവി പ്രൊഫ.ജോളിയമ്മ മാത്യു, അലുമിനി ഭാരവാഹികളായ റോയിസ് ചിറയില്, വി.ആര്.ബാലകൃഷ്ണന് നായര്, ജയിംസ്.സി.ജോസഫ്, ശില്പ ജോയി എന്നിവര് അറിയിച്ചു.
ഉഴവൂര്: സെന്റ് സ്റ്റീഫന്സ് കോളേജിലെ പൂര്വ്വ വിദ്യാര്ത്ഥി സംഗമവും 1989-1992 ബാച്ചിന്റെ ജൂബിലി സ്പെഷ്യല് സംഗമവും 24ന് രാവിലെ 9.30 മുതല് ആരംഭിക്കും. ജസ്റ്റിസ് സിറിയക്ക് ജോസഫ് ഉദ്ഘാടനം ചെയ്യും.
കോട്ടയം: ലൂര്ദ് സ്കൂളില് പൂര്വ്വ വിദ്യാര്ത്ഥി സംഗമം 26ന് ഉച്ചകഴിഞ്ഞ് 3മണിക്ക് നടത്തുമെന്ന് പ്രിന്സിപ്പല് അറിയിച്ചു. ഫോണ് : 0481 2580010, 9446792623.
