കൊച്ചി: ഓണ്‍ലൈന്‍ ടാക്‌സികള്‍ക്ക് റെയില്‍വേ സ്റ്റേഷനുകളില്‍ പാര്‍ക്കിങ്ങും കൗണ്ടറും അനുവദിച്ചതിനെതിരെ നോര്‍ത്ത് റെയില്‍വേസ്റ്റേഷനിലെ ഓട്ടോ-ടാക്‌സി കോ ഓര്‍ഡിനേഷന്‍ കമ്മിറ്റിയുടെ ആഭിമുഖ്യത്തില്‍ അനിശ്ചിതകാല സമരം ആരംഭിച്ചു. സമരം സിഐടിയു ജില്ലാ ജോ. സെക്രട്ടറി പി. എന്‍. സീനുലാല്‍ ഉദ്ഘാടനം ചെയ്തു.
നഗരത്തിലെ യാത്രക്കാര്‍ക്ക് സ്വീകാര്യമായ ഓട്ടോ പ്രീപെയ്ഡ് സംവിധാനത്തെ അട്ടിമറിക്കാനാണ് ഇത്തരം കുത്തകകളെ റെയില്‍വെ അധികാരികള്‍ പ്രോത്സാഹിപ്പിക്കുന്നതെന്നും അദ്ദേഹം പറഞ്ഞു.
കമ്മറ്റി ചെയര്‍മാന്‍ എം. ജെ. ജോണി, ഐന്‍ടിയുസി, എഐടിയുസി, ബിഎംഎസ് നേതാക്കളായ റഷീദ് താനത്ത്, ബിനു വര്‍ഗ്ഗീസ്, റിബിന്‍ റാം, ഇ. പ്രദീപ് കുമാര്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: