പാലക്കാട്: പാലക്കാട് രാപ്പാടിയില്‍ 23ന് അരങ്ങേറുന്ന പ്രശസ്ത സംഗീത ചക്രവര്‍ത്തി എം.എസ് .വിശ്വനാഥന് പ്രണാമം അര്‍പ്പിക്കുന്ന ‘ഹൃദയ വാഹിനീ’ മെഗാ ഷോയുടെ ബ്രോഷര്‍ മന്ത്രി എ.കെ.ബാലന്‍ പ്രകാശനം ചെയ്തു.
ജില്ലാ പഞ്ചായത്ത് പ്രസിഡന്റ് അഡ്വക്കേറ്റ് കെ. ശാ ന്തകുമാരിക്ക് നല്‍കിക്കൊണ്ടാണ് പ്രകാശനം നിര്‍വഹിച്ചത്. ഇന്ത്യ കണ്ട ഏറ്റവും വലിയ സംഗീത സംവിധായകനാണ് എം.എസ്.വിശ്വനാഥന്. അദ്ദേഹത്തിന്റെ ജന്മ നാട്ടില്‍ ഉചിതമായ സ്മാരകവും പാലക്കാട് നഗരത്തില്‍ അദ്ദേഹത്തിന്റെ പ്രതിമയും കേരളം സാംസ്‌കാരിക വകുപ്പിന്റെ നേതൃത്വത്തില്‍ ഒരുക്കുമെന്നും അദ്ദേഹം പറഞ്ഞു.
ടി.കെ.നാരായണദാസ് അധ്യക്ഷനായി. ടി.ആര്‍. അജയന്‍, മുനിസിപ്പല്‍ ചെയര്‍ പേഴ്‌സണ്‍ പ്രമീള ശശിധരന്‍,എം.എസ.കുമാര്‍, എ.കെ.ചന്ദ്രന്‍കുട്ടി എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: