കൊല്ലം: എസ്എന്ഡിപി യോഗം വൈസ് പ്രസിഡന്റ് തുഷാര് വെള്ളാപ്പള്ളി നയിക്കുന്ന ദിവ്യജ്യോതി പ്രയാണത്തിന് ശാരദാമഠത്തില് ഉജ്ജ്വല വരവേല്പ്.
ശിവഗിരിയിലെ ഗുരുദേവപ്രതിഷ്ഠയുടെ കനകജൂബിലി ആഘോഷങ്ങളുടെ ഭാഗമായി ശിവഗിരി മഠത്തിന്റെയും എസ്എന്ഡിപി യോഗത്തിന്റെയും ആഭിമുഖ്യത്തില് ഇന്നലെ രാവിലെ ഏഴിന് ശിവഗിരിയില് നിന്നും ആരംഭിച്ച ദിവ്യജ്യോതി പ്രയാണം പത്തിനോടെയാണ് ശാരദമഠത്തില് എത്തിച്ചേര്ന്നത്. ദിവ്യജ്യോതിയില് നിന്നും അനുഗ്രഹങ്ങള് ഏറ്റുവാങ്ങാന് നൂറുകണക്കിനാളുകള് എത്തിച്ചേര്ന്നു.
സ്വീകരണത്തിന് ശേഷം ശാരദാമഠം അങ്കണത്തില് നടന്ന സമ്മേളനം എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് ഉദ്ഘാടനം ചെയ്തു. ശിവഗിരിമഠത്തിലെ സ്വാമി വിശാലാനന്ദ അദ്ധ്യക്ഷത വഹിച്ചു. എസ്എന്ഡിപി യോഗവും ശിവഗിരിമഠവും ഒരുമിച്ച് പ്രവര്ത്തിക്കുന്ന സുവര്ണകാലമാണിതെന്നും ഗുരുദര്ശനങ്ങള് ആഴത്തില് പ്രചരിപ്പിക്കുന്നതിനൊപ്പം പിന്നാക്കവിഭാഗങ്ങളുടെ അവകാശങ്ങള് സംരക്ഷിക്കാന് കൂട്ടായ പരിശ്രമം ഉണ്ടാകണമെന്നും സ്വീകരണത്തിന് നന്ദിയറിയിച്ച തുഷാര് വെള്ളാപ്പള്ളി പറഞ്ഞു. ശിവഗിരി മഠത്തിലെ സ്വാമി വിദ്യാനന്ദ, എസ്എന്ഡിപി യോഗം കൗണ്സിലര് പച്ചയില് സന്ദീപ്, അസി. സെക്രട്ടറിമാരായ പി.സുന്ദരന്, കാവേരി രാമചന്ദ്രന്, ചാത്തന്നൂര് യൂണിയന് പ്രസിഡന്റ് ബി.ബി.ഗോപകുമാര്, സെക്രട്ടറി കെ.വിജയകുമാര്, ചവറ യൂണിയന് പ്രസിഡന്റ് അരിനല്ലൂര് സഞ്ജയന്, സെക്രട്ടറി കാരയില് അനീഷ്, കരുനാഗപ്പള്ളി യൂണിയന് പ്രസിഡന്റ് കെ.സുശീലന്, പ്രസിഡന്റ് മോഹന്ശങ്കര്, സെക്രട്ടറി എന്.രാജേന്ദ്രന് തുടങ്ങിയവര് സംസാരിച്ചു.
കരുനാഗപ്പള്ളി: ശ്രീനാരായണ ദിവ്യജ്യോതി പ്രയാണത്തിന് കരുനാഗപ്പള്ളി എസ്എന്ഡിപി യൂണിയന്റെ ആഭിമുഖ്യത്തില് കരുനാഗപ്പള്ളിയില് സ്വീകരണം നല്കി. കരുനാഗപ്പള്ളിയില് നല്കിയ സ്വീകരണത്തിന് യൂണിയന് പ്രസിഡന്റ് സുശീലന്, സെക്രട്ടറി സോമരാജന് എന്നിവര് നേതൃത്വം നല്കി.
