കണ്ണൂര്: സാമൂഹ്യനീതി വകുപ്പിന് കീഴിലെ തലശ്ശേരി മഹിളാമന്ദിരത്തിലെ മൂന്ന് അന്തേവാസികള് പുതു ജീവിതത്തിലേക്ക് വലതുകാല് വച്ചു. കര്ണാടകക്കാരിയായ മഞ്ജു, മലയാളികളായ സാന്ദ്ര, സൗമ്യ എന്നിവരാണ് എരഞ്ഞോളി ആഫ്റ്റര് കെയര് ഹോമില് ഒരുക്കിയ കതിര് മണ്ഡപത്തില് സുമംഗലികളായത്. മഞ്ജുവിന് വടകര മേപ്പയ്യൂര് സ്വദേശി സുനിലും സാന്ദ്രക്ക് കണ്ണൂര് അഞ്ചരക്കണ്ടി സ്വദേശി രജീഷും സൗമ്യക്ക് കോഴിക്കോട് നരിക്കുനി സ്വദേശി വിനോദും താലി ചാര്ത്തി. മൂഹ്യനീതി വകുപ്പ് തലശ്ശേരി നനഗരസഭയുടെയും നാട്ടുകാരുടെയും സഹകരണത്തോടെ നടത്തിയ ചടങ്ങില് മന്ത്രി കെ.കെ.ഷൈലജ, നഗരസഭാ ചെയര്മാന് സി.കെ.രമേശന്, വൈസ് ചെയര്പേഴ്സന് നജ്മ ഹാഷിം, കൗണ്സിലര്മാരായ അഡ്വ. വി.രത്നാകരന്, ടി.രാഘവന്, കെ.വിനയരാജ്, പി.പി.സാജിത, സബ് കളക്ടര് എസ്.ചന്ദ്രശേഖര്, ജില്ലാ സാമൂഹിക നീതി ഓഫീസര് എം.എം.മോഹന്ദാസ് തുടങ്ങിയവര് സംബന്ധിച്ചു. മഹിളാമന്ദിരത്തിലെ അന്തേവാസിനികളുടെ വിവാഹ വാര്ത്തയറിഞ്ഞ് സമൂഹത്തിന്റെ നാനാതുറകളിലുമുള്ളവര് സമ്മാനപ്പൊതികളുമായാണ് ചടങ്ങിനെത്തിയത്.
മഹിളാമന്ദിരം അന്തേവാസികളായ മൂന്ന് യുവതികള്ക്ക് പുതുജീവിതം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.