പൂക്കോട്ടുംപാടം: ഡി. വിശ്വനാഥന്‍ ആചാരിക്ക് പായമ്പാടം ജിഎല്‍പി സ്‌കൂളില്‍ സ്മാരകമൊരുങ്ങുന്നു. പായമ്പാടം ജിഎല്‍പി സ്‌കൂളില്‍ സ്‌റ്റേജ് കം ക്ലാസ്‌റൂമാണ് സ്മാരകമായി പണിയുന്നത്. വട്ടപ്പാടം നവതരംഗം ക്ലബ്ബ് ആന്റ് ലൈബ്രറിയുടെ നേതൃത്വത്തില്‍ ജനകീയ കൂട്ടായ്മയിലാണ് നിര്‍മ്മാണം.
ശിലാസ്ഥാപനം പഞ്ചായത്ത് പ്രസിഡന്റ് സി.സുജാത നിര്‍വ്വഹിച്ചു. ക്ലബ്ബ് പ്രസിഡന്റ് വി. സജിത്ത് അധ്യക്ഷത വഹിച്ചു. പൂക്കോട്ടുംപാടം എസ്‌ഐ അമൃത്‌രംഗന്‍ വിശിഷ്ടാഥിതിയായി. ഉപജില്ലാ കലോത്സവത്തില്‍ വിജയിച്ച സ്‌കൂളിലെ കുട്ടികള്‍ക്ക് സര്‍ട്ടിഫിക്കറ്റുകളും ട്രോഫികളും എസ്.ഐ. വിതരണം ചെയ്തു. വിശ്വനാഥന്‍ ആചാരിയുടെ പത്‌നിയും സ്‌കൂളില്‍ നിന്ന് വിരമിച്ച് അദ്ധ്യാപികയും മുന്‍ ബ്ലോക്ക് പഞ്ചായത്ത് അംഗവുമായ വി. ജി. ഭവാനിയമ്മ അനുഗ്രഹ പ്രഭാഷണം നടത്തി.
പ്രഥമാധ്യാപകന്‍ ടോമി തോമസ്, മുന്‍ പഞ്ചായത്തംഗം പി.വി.കരുണാകരന്‍, കെ.എസ്. ശ്രീകുമാര്‍, ഡി.ടി മുഹമ്മദ്, നീനാകുര്യന്‍, പുലത്ത് ഷാജിനവാസ്, സി. അബ്ദുറഹിമാന്‍, വി.മധു, എന്നിവര്‍ പ്രസംഗിച്ചു. ക്ലബ്ബ് ഭാരവാഹികളായ പി. സുനില്‍രാഘവന്‍, വി. കെ. അനൂപ്, എ. ബിനേഷ്, കെ.ഷൈജു, വി. സന്തോഷ്, അധ്യാപകരായ അബ്ദുള്‍ അഷറഫ്, യു.വി അനുശ്രീ, ടി.വി. അനിത. എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: