മണലൂര്: സിപിഎം – ജിഹാദി ഭീകരതക്കും കൊലപാതക രാഷ്ട്രീയത്തിനുമെതിരെ മണലൂരില് ബിജെപി സംഘടിപ്പിച്ച പദയാത്ര താക്കീതായി. സംസ്ഥാന ജനറല് സെക്രട്ടറി എ.എന്.രാധാകൃഷ്ണന് നയിച്ച പദയാത്രയില് ആയിരങ്ങള് അണിനിരന്നു. അക്രമരാഷ്ട്രീയം അവസാനിപ്പിച്ചില്ലെങ്കില് സിപിഎം കേരള ചരിത്രത്തില് അവശേഷിക്കില്ലെന്ന് പദയാത്ര ഉദ്ഘാടനം ചെയ്ത മുന് സംസ്ഥാന പ്രസിഡണ്ട് സി.കെ.പത്മനാഭന് പറഞ്ഞു.
വൈകീട്ട് ചൊവ്വല്ലൂര്പ്പടിയില് നടന്ന സമാപനസമ്മേളനം ദേശീയസമിതി അംഗം പി.കെ.കൃഷ്ണദാസ് ഉദ്ഘാടനം ചെയ്തു.
സംസ്ഥാന ജനറല് സെക്രട്ടറി ശോഭ സുരേന്ദ്രന്, വൈസ് പ്രസിഡണ്ട് പി.എം.വേലായുധന്, ജില്ലാപ്രസിഡണ്ട് എ.നാഗേഷ്, സംസ്ഥാന വക്താവ് ജെ.ആര്.പത്മകുമാര്, മഹിളാമോര്ച്ച സംസ്ഥാന പ്രസിഡണ്ട് രേണു സുരേഷ്, ജനറല് സെക്രട്ടറി സി.നിവേദിത, ബിജെപി ജില്ലാ ജനറല് സെക്രട്ടറിമാരായ അഡ്വ. കെ.കെ.അനീഷ്കുമാര്, കെ.പി.ജോര്ജ്ജ്, വൈസ് പ്രസിഡണ്ടുമാരായ അനീഷ് ഇയ്യാല്, രവികുമാര് ഉപ്പത്ത്, ജസ്റ്റിന് ജേക്കബ്, മണലൂര് മണ്ഡലം പ്രസിഡണ്ട് സുധീഷ് മേനോത്തുപറമ്പില്, ഗുരുവായൂര് മണ്ഡലം പ്രസിഡണ്ട് കെ.ആര്. അനീഷ്, യുവമോര്ച്ച സംസ്ഥാന ജനറല് സെക്രട്ടറി കെ.ആര്.ഹരി, ജില്ലാപ്രസിഡണ്ട് പി.ഗോപിനാഥ്, പട്ടികജാതി മോര്ച്ച സംസ്ഥാന ജനറല് സെക്രട്ടറി സര്ജു തൊയക്കാവ് തുടങ്ങിയവര് നേതൃത്വം നല്കി.
