കണിച്ചുകുളങ്ങര: റവന്യൂ ജില്ലാ കലോത്സവത്തില് കൊയ്ത് വിധികര്ത്താക്കള്. കലോത്സവ നടത്തിപ്പിനുള്ള തുകയുടെ പകുതിയിലേറെയും നല്കുന്നത് വിധികര്ത്താക്കള്ക്കാണെന്നാണ് കണക്കുകള് സൂചിപ്പിക്കുന്നത്.
കലോത്സവത്തില് ഭക്ഷണവും പന്തലും ഉള്പ്പെടെയുള്ളവയ്ക്ക് 10,94,000 രൂപയാണ് ചെലവഴിക്കുന്നത്. എന്നാല് വിധികര്ത്താക്കള്ക്കായി 15,06,000 രൂപയാണ് നീക്കിവെച്ചിരിക്കുന്നത്. ആര്ക്കൊക്കെ എത്ര വീതം നല്കുമെന്ന വിവരങ്ങള് കൈമാറാന് അധികാരികള് തയ്യാറായില്ല.
രഹസ്യ സ്വഭാവം നഷ്ടപ്പെടുമെന്നതിന്റെ പേരിലാണ് ഇതെന്നാണ് ഇവരുടെ വാദം. ജില്ലയ്ക്ക് പുറത്തുള്ള വിധികര്ത്താക്കളെയാണ് ഒരോ മത്സരയിനങ്ങള്ക്കും എത്തിക്കുന്നത്.
ഇതാണ് ചെലവ് കൂടുവാന് കാരണമെന്നാണ് വിവരം. ഇവരുടെ വേതനം സംബന്ധിച്ച ദുരൂഹത തുടരുന്നത് പ്രതിഷേധത്തിന് ഇടയാക്കിയിട്ടുണ്ട്. ഏഴായിരത്തോളം മത്സരാര്ത്ഥികള്ക്കും അദ്ധ്യാപകര്ക്കും മറ്റ് ജീവനക്കാര്ക്കുമുള്പ്പെടെ അഞ്ച് ദിനം മൂന്ന് നേരം ഭക്ഷണത്തിന് 4,85,000 രൂപ വകയിരുത്തിയിട്ടുണ്ട്.
പബ്ലിസിറ്റിക്ക് 28,000, ലൈറ്റ് ആന്ഡ് സൗണ്ടിന് ഒന്നരലക്ഷം, പ്രോഗ്രാം കമ്മിറ്റിക്ക്1,10,000, സ്റ്റേജിനും പന്തലിനും2,10,000, ഗതാഗാതം 10,000, നിയമപാലനം 5000, ട്രോഫി 15000, വെല്ഫെയര് 5000, രജിസ്ട്രേഷന് 20,000, റിസപ്ഷന് 16,000, താമസസൗകര്യം 5000 എന്നിങ്ങനെയാണ് തുക വകയിരുത്തിയിരിക്കുന്നത്. കലോത്സവത്തിന് 26ലക്ഷത്തോളം രൂപയാണ് ചെലവ് പ്രതീക്ഷിക്കുന്നത്. ഇതില് 20 ലക്ഷം രൂപ ലഭിച്ചിട്ടുണ്ട്.
