കോട്ടയം: ജില്ലയില് മണര്കാട്, വിജയപുരം, അയര്ക്കുന്നം പഞ്ചായത്തുകളില് 15 വര്ഷമായി തരിശുകിടക്കുന്ന 1200 ഏക്കറോളം വരുന്ന പാടശേഖരങ്ങളില് 520 ഏക്കര് സ്ഥലത്ത് നടക്കുന്ന വിത മഹോത്സവം നാളെ (ഡിസംബര് രണ്ട്) രാവിലെ ഒമ്പതിന് നാലുമണിക്കാറ്റിന് സമീപം പാലമുറി പാലത്തിങ്കല് മന്ത്രി വി. എസ്. സുനില് കുമാര് നിര്വ്വഹിക്കും. ജില്ലാ പഞ്ചായത്ത് പ്രസിഡന്റ് സഖറിയാസ് കുതിരവേലി അദ്ധ്യക്ഷനാകും. ചടങ്ങില് ജോസ് കെ. മാണി എം.പി. മുഖ്യപ്രഭാഷണം നടത്തും. പാമ്പാടി ബ്ലോക്ക് പഞ്ചായത്ത് പ്രസിഡന്റ് മാത്തച്ചന് താമരശ്ശേരി, ഗ്രാമപഞ്ചായത്ത് പ്രസിഡന്റുമാരായ ഗ്രേസി കരിമ്പന്നൂര് (മണര്കാട്), സിസി ബോബി (വിജയപുരം), മോനിമോള് ജെയ്മോന് (അയര്ക്കുന്നം) തുടങ്ങിയവര് പങ്കെടുക്കും. കാര്ഷിക ക്ഷേമ കാര്ഷിക വികസന വകുപ്പു ഡയറക്ടര് എ.എം. സുനില് കുമാര് പദ്ധതി വിശദീകരിക്കും. തരിശുനിലകൃഷി വികസന കണ്വീനര് ഡോ. പുന്നന് കുര്യന് പ്രവര്ത്തന റിപ്പോര്ട്ട് അവതരിപ്പിക്കും. പ്രിന്സിപ്പല് കൃഷി ഓഫീസര് എസ്. ജയലളിതകൃഷി ഡെപ്യൂട്ടി ഡയറക്ടര് റ്റിസ്സമ്മ തോമസ് പങ്കെടുക്കും.
തരിശുനില നെല്കൃഷി വിതമഹോത്സവം നാളെ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.