പെരിന്തല്‍മണ്ണ: നിരവധി കേസുകളില്‍ പ്രതിയായ കുപ്രസിദ്ധ മോഷ്ടാവ് പിടിയില്‍. മഞ്ചേരി സ്വദേശി അരീക്കാട് വീട്ടില്‍ അനില്‍ എന്ന കാര്‍ലോസ്(50) ആണ് പെരിന്തല്‍മണ്ണയില്‍ അറസ്റ്റിലായത്.
ഇന്നലെ പുലര്‍ച്ചെ പെരിന്തല്‍മണ്ണ ജില്ലാ ആശുപത്രിക്ക് സമീപമുള്ള നീതി മെഡിക്കല്‍ സ്റ്റോറിന്റെ പൂട്ട് പെളിച്ച് മോഷണം നടത്താന്‍ ശ്രമിക്കുന്നതിനിടെയാണ് അറസ്റ്റ്. നാട്ടുകാര്‍ നല്‍കിയ വിവരത്തിന്റെ അടിസ്ഥാനത്തില്‍ സ്ഥലത്തെത്തിയ എഎസ്‌ഐ വേലായുധനും സംഘവുമാണ് പ്രതിയെ പിടികൂടിയത്. മുമ്പ് പാലക്കാട്, മലപ്പുറം ജില്ലകളില്‍ നിന്നായി നിരവധി മോഷണങ്ങള്‍ ഇയാള്‍ നടത്തിയിരുന്നു. പല കേസുകളിലും ശിക്ഷ അനുഭവിക്കുകയും ചെയ്തിട്ടുണ്ട്. പട്ടാമ്പിയിലാണ് അവസാനം അറസ്റ്റിലായത്. ആ കേസില്‍ റിമാന്റിലായിരുന്ന പ്രതി 28നാണ് പുറത്തിറങ്ങിയത്.
പ്രതികരിക്കാൻ ഇവിടെ എഴുതുക: