തലശ്ശേരി: സീറോമലബാര് സഭയുടെ മേജര് ആര്ച്ച്ബിഷപ് കര്ദ്ദിനാള് മാര് ജോര്ജ്ജ് ആലഞ്ചേരി തലശ്ശേരി അതിരൂപതായോഗം ഭദ്രദീപം തെളിയിച്ച് ഉദ്ഘാടനം ചെയ്തു. അഡ്വ. മനോജ് എം. കണ്ടത്തില്, മോണ്. അലക്സ് താരാമംഗലം, അഡ്വ.സണ്ണി ജോസഫ് എംഎല്എ, തലശ്ശേരി ആര്ച്ച്ബിഷപ് മാര് ജോര്ജ്ജ് ഞരളക്കാട്ട്, മാര് ജോസഫ് പാംപ്ലാനി, താമരശ്ശേരി രൂപതാധ്യക്ഷന് മാര് റെമിജിയൂസ് ഇഞ്ചനാനിയില്, മോണ്. ജോര്ജ്ജ് എളൂക്കുന്നേല്, ആര്ച്ച്ബിഷപ് എമരിറ്റസ് മാര് ജോര്ജ്ജ് വലിയമറ്റം, സി.ഗ്രേസ് മേരി തുടങ്ങിയവര് സംസാരിച്ചു.
മാര് ജോസഫ് പാംപ്ലാനി അസംബ്ലി പ്രതിജ്ഞാ വാചകങ്ങള് ചൊല്ലിക്കൊടുത്തു. ആര്ച്ച്ബിഷപ് എമിരറ്റസ് മാര് ജോര്ജ്ജ് വലിയമറ്റം അനുഗ്രഹഭാഷണം നടത്തി. താമരശ്ശേരി രൂപതാ മെത്രാന് മാര് റെമിജിയൂസ് ഇഞ്ചനാനിയില്, അഡ്വ. സണ്ണി ജോസഫ് എംഎല്എ, നസ്രത്ത് സന്ന്യാസിനി സമൂഹത്തിന്റെ സുപ്പീരിയര് ജനറല് സി. ഗ്രേസ് മേരി എന്എസ് എന്നിവര് ആശംസകളര്പ്പിച്ച് സംസാരിച്ചു. തലശ്ശേരി അതിരൂപതയില്നിന്ന് വ്യത്യസ്ത മേഖലകളിലേയ്ക്ക് തെരഞ്ഞെടുക്കപ്പെട്ടവരെ ചടങ്ങില് ആദരിച്ചു. കത്തോലിക്കാ കോണ്ഗ്രസ് ഗ്ലോബല് സെക്രട്ടറി അഡ്വ.ടോണി പുഞ്ചക്കുന്നേല്, മാതൃവേദി ഗ്ലോബല് വൈസ് പ്രസിഡന്റ് ശ്രീമതി സിസിലി ബേബി പുഷ്പക്കുന്നേല്, വിന്സെന്റ് ഡി പോള് സംസ്ഥാന കോ-ഓര്ഡിനേറ്റര് ബാബു കൊട്ടാരത്തില്, വിന്സെന്റ് ഡി പോള്, സംസ്ഥാന വനിതാ പ്രതിനിധി ജോളി സെബാസ്റ്റ്യന് കാരക്കുന്നേല് എന്നിവരെയാണ് ആദരിച്ചത്. തലശ്ശേരി അതിരൂപതാ വികാരി ജനറാള്മാരായ മോണ്. അലക്സ് താരാമംഗലം സ്വാഗതവും മോണ്. ജോര്ജ്ജ് എളൂക്കുന്നേല് നന്ദിയും പറഞ്ഞു. സീറോമലബാര് ആന്തത്തോടെ ഉദ്ഘാടന സമ്മേളനം സമാപിച്ചു.
