കുന്നംകുളം: കടവ്വല്ലൂര് ശ്രിരാമസ്വാമിക്ഷേത്രത്തില് നടന്നുവരുന്ന അന്യോന്യത്തില് ഞായറാഴ്ച്ച തൃശൂര് യോഗക്കാര് ഗംഭീരമാക്കി. തിരുന്നാവായ യോഗത്തിലെ നാറാസ് നാരായണന് നമ്പൂതിരയാണ് ഒന്നാം വാരമിരുന്നത്. അദ്ദേഹം മൂന്നാം അഷ്ടകത്തിലെ ഒന്നാം അധ്യായത്തിലെ ഏഴാം വര്ഗ്ഗമായ ത്വമഗ്നേ…… എന്നുതുടങ്ങിയ പത്ത് ഋക്കുകള് നന്നായി ചൊല്ലി. നാറാസ് രവി നമ്പൂതിരി, ഡോ. മണ്ണൂര് ജോതവേദന് നമ്പൂതിരി എന്നിവര് സഹായിച്ചു.
തൃശൂര് യോഗത്തിലെ ഏഴാം ക്ലാസ് വിദ്യാര്തിഥിയായ കപ്ലിങ്ങാട് പരമേശ്വരന് നമ്പൂതിരി രണ്ടാം വാരമിരുന്നു. അദ്ദേഹം മൂന്നാം അഷ്ടകത്തിലെ എഴാം അധ്യായത്തിലെ ഇരുപത്തിരണ്ടാം വര്ഗ്ഗമായ അഗ്രം പിബ…എന്നുതുടങ്ങുന്ന പത്ത് ഋക്കുകളാണ് ഗംഭീരമായി ചൊല്ലിയത്. വടക്കുമ്പാട്ട് പശുപതി നമ്പൂതിരി, മുണ്ടയൂര് പരമേശ്വരന് നമ്പൂതിരി എന്നിവര് സഹായിച്ചു.
തിരുനാവായ യോഗത്തിലെ കരുവാട്ട് പട്ടത്ത് വാസുദേവന് ഭട്ടതിരിപ്പാട്, കരുവാട്ട് പട്ടത്ത് കൃഷ്ണന് ഭട്ടതിരിപ്പാട് എന്നിവരാണ് രഥ ചൊല്ലിയത്.
അന്യോന്യ വേദിയില് ഇന്ന്
രാവിലെ 6.00ന് ഋഗ്വേദാര്ച്ചന, 7.00ന് ശീവേലി, 10.00ന് കലശമെഴുന്നള്ളിപ്പ്, 10.30 ന് ഉച്ചശീവേലി, 11.00 മുതല് 4.00 വരെ നൃത്താരാധന(ഉദ്ഘാടനം കലാമണ്ഡലം രാജലക്ഷ്മി), 4.30 ന് പ്രഭാഷണം( ഡോ.സി. ഗണേഷ്), 6.30 ന് അന്യോന്യം വാരമിരിക്കല് ,8.30 ന് അന്യോന്യം രഥ.
പ്രതികരിക്കാൻ ഇവിടെ എഴുതുക: