കാത്തിരിപ്പുകേന്ദ്രങ്ങള്‍ നിര്‍മ്മിക്കണമെന്ന ആവശ്യം ശക്തമാകുന്നു

എലപ്പുള്ളി:എലപ്പുള്ളി പഞ്ചായത്തില്‍ പാലക്കാട്-എലപ്പുള്ളി-പൊള്ളാച്ചി റൂട്ടുകളില്‍ ബസ് കാത്തിരിപ്പു കേന്ദ്രങ്ങള്‍ നിര്‍മ്മിക്കണമെന്നാവശ്യം ശക്തമാകുന്നു.

പള്ളത്തേരി അച്ച ചെട്ടിയാര്‍ സ്റ്റോപ്പ്, കുന്നാച്ചി-രാമശ്ശേരി റോഡിലെ കുന്നാച്ചി ഹൈസ്‌കൂളിനു സമീപത്തും കുന്നാച്ചി-കല്ലൂട്ടിയാല്‍ റോഡില്‍ കുന്നാച്ചി ജംഗ്ഷനിലും പാറ അമ്പലം ക്ഷേത്ര സമീപത്തും നോമ്പിക്കോട് – തേനാരി റൂട്ടിലെ നോമ്പിക്കോട്ടിലം മായന്‍കുളം – കുറ്റിയമ്പാക്ക് റൂട്ടിലെ മായന്‍കുളത്തും പട്ടത്തലച്ചി – എടുച്ചുകുളം റൂട്ടില്‍ പട്ടത്തലച്ചിലും നെയ്തല ജംഗ്ഷനിലും എലപ്പുള്ളി പാറ – കാക്കത്തോട് റൂട്ടില്‍ പാറ ജംഗ്ഷനിലും കൈതക്കുഴി ജംഗ്ഷനിലും അപ്പുസ്വിള്ളയൂര്‍ ജംഗ്ഷനിലും ബസ്സ് കാത്തിരിപ്പു കേന്ദ്രങ്ങള്‍ നിര്‍മ്മിക്കാത്തതിനാല്‍ യാത്രക്കാര്‍ കാലങ്ങളായി വെയിലും മഴയും കൊള്ളേണ്ട ഗതികേടിലാണ്.