കാര്‍ താഴ്‌ച്ചയിലേക്ക് മറിഞ്ഞ് വൈദികന്‍ അത്ഭുതകരമായി രക്ഷപ്പെട്ടു

കല്ലടിക്കോട്: പാലക്കയം നെര വില്‍ നിയന്ത്രണംവിട്ട കാര്‍ 50 അടി താഴ്ചയിലേക്ക് മറിഞ്ഞു. കഴിഞ്ഞദിവസം ഉച്ചക്ക് രണ്ട് മണിക്കായിരുന്നു സംഭവം. ഒരു മരണവീട്ടില്‍ പോയി തിരിച്ചു വരുകയായിരുന്ന പാലക്കയം സെന്റ് ജോസഫ് മലങ്കര കത്തോലിക്ക പള്ളിയിലെ വികാരി ബിജു ഇടയാടി കുഴി(45)യാണ് അപകടത്തില്‍പ്പെട്ടത്.

സാരമായി പരിക്കേറ്റ വികാരിയെ സ്വകാര്യ ആശുപത്രിയിലും തുടര്‍ന്ന് വിദഗ്ധ ചികിത്സക്കായി തൃശ്ശൂരിലേക്കും കൊണ്ടുപോയി. മലയോര മേഖലയായ പാലക്കയം നെരവ് ഭാഗത്ത് വലിയ താഴ്ചയുള്ള ഭാഗത്തിന്റെ വശത്തുകൂടിയാണ് റോഡ് ഉള്ളത്. ഇവിടെ തിരിഞ്ഞു വരുന്ന ഭാഗത്ത് കല്ലില്‍ തട്ടി വാഹനത്തിന്റെ നിയന്ത്രണം വിടുകയായിരുന്നു ഓടി കൂടിയ നാട്ടുകാരാണ് രക്ഷാപ്രവര്‍ത്തനം നടത്തിയത്.