ആലുവ: സംസ്ഥാന സ്‌പെഷ്യല്‍ സ്‌കൂള്‍ കലോത്സവത്തില്‍ യുപി വിഭാഗം ചാമ്പ്യന്‍ പട്ടം തിരിച്ചുപിടിച്ചതിന്റെ സന്തോഷത്തിലാണ് കീഴ്മാട് അന്ധവിദ്യാലയം. തിരുവനന്തപുരത്തായിരുന്നു മത്സരം. സമ്മാനദാനവേദിയില്‍ ചാമ്പ്യന്‍പട്ടം പ്രഖ്യാപിക്കുമ്പോള്‍ ടീം അംഗങ്ങള്‍ നാട്ടിലേക്കുള്ള യാത്രയിലായതിനാല്‍ ചാമ്പ്യന്‍പട്ടം തിരിച്ചുപിടിച്ചതിന്റെ സന്തോഷം ഇന്നലെ ശിശുദിനാഘോഷ വേദിയിലായിരുന്നു.
സ്‌പെഷ്യല്‍ സ്‌കൂള്‍ കലോത്സവത്തില്‍ എട്ട് മത്സര ഇനങ്ങളിലും എ ഗ്രേഡ് നേടി 40 പോയിന്റോടെയാണ് കീഴ്മാട് അന്ധവിദ്യാലയം ചാമ്പ്യന്മാരായത്. കോട്ടയം കാളകെട്ടി അസീസി സ്‌കൂളിനെ രണ്ട് പോയിന്റിന് പിന്നിലാക്കിയാണ് കീഴ്മാട് സ്‌കൂള്‍ ചാമ്പ്യന്‍പട്ടം കരസ്ഥമാക്കിയത്. ശിശുദിനാഘോഷത്തോടനുബന്ധിച്ച് നടന്ന അനുമോദന യോഗം റൂറല്‍ എസ്പി എ.വി. ജോര്‍ജ് ഉദ്ഘാടനം ചെയ്തു. ഡോ. ജേക്കബ് മണ്ണാറപ്രായില്‍ കോര്‍ എപ്പിസ്‌കോപ്പ അധ്യക്ഷനായി.
പ്രതികരിക്കാൻ ഇവിടെ എഴുതുക: