കൊച്ചി: വിവിധ ജര്‍മ്മനിയില്‍ പഠിച്ചവര്‍ ചേര്‍ന്ന് രൂപീകരിച്ച ദി അലുമ്‌നി സൊസൈറ്റി ഓഫ് എഒടിഎസ് കേരളയുടെ (എഎസ്എ കേരള) സുവര്‍ണ ജൂബിലിയാഘോഷങ്ങള്‍ 30നു നടക്കും. കളമശ്ശേരി കിന്‍ഫ്ര ഹൈ ടെക് പാര്‍ക്കിലെ നിപ്പോണ്‍ കേരള സെന്ററില്‍ ഇന്ത്യയിലെ ജപ്പാന്‍ അംബാസഡര്‍ കെന്‍ജി ഹിരാമസ്തു ഉദ്ഘാടനം ചെയ്യും. ജില്ലാ കളക്ടര്‍ കെ. മുഹമ്മദ് സഫറുള്ള, എഒടിഎസ് ജപ്പാന്‍ എംഡി ഷിമൂസവ എന്നിവര്‍ വിശിഷ്ടാതിഥികളാകും.
ജപ്പാനും കേരളവും തമ്മിലുള്ള സൗഹൃദവും സാംസ്‌കാരിക വിനിമയവും പ്രോത്സാഹിപ്പിക്കുകയാണ് എഎസ്എ കേരളയുടെ മുഖ്യലക്ഷ്യം. വ്യവസായബന്ധം ശക്തിപ്പെടുത്താന്‍ 2015ല്‍ ഇന്‍ഡോ ജപ്പാന്‍ ചേംബര്‍ ഓഫ് കൊമേഴ്‌സ് കേരള (ഇന്‍ജാക്) എന്ന സംഘടനയ്‌ക്കു തുടക്കമിട്ടു. ഇതിനോടകം 650ലേറെപ്പേരെ എഎസ്എ കേരള വിവിധ ടെക്‌നിക്കല്‍, മാനേജ്‌മെന്റ് പരിശീലന പരിപാടികള്‍ക്കായി ജപ്പാനിലേക്ക് അയച്ചിട്ടുണ്ട്. എഎസ്ഒ കേരള മൂന്നു പതിറ്റാണ്ടായി ജപ്പാന്‍ ഭാഷാ പരീശീലന പരിപാടികള്‍ ഇവിടെ സംഘടിപ്പിക്കുന്നു.
സുവര്‍ണജൂബിലി ആഘോഷങ്ങളുടെ ഭാഗമായി പുതിയ ഓഡിറ്റോറിയത്തിന്റെ ഉദ്ഘാടനവും ഈ മാസം 30നു നടക്കുമെന്ന് ദി അലുമ്‌നി സൊസൈറ്റി ഓഫ് എഒടിഎസ് കേരള പ്രസിഡന്റ്് ജേക്കബ് കോവൂര്‍ അറിയിച്ചു.
പ്രതികരിക്കാൻ ഇവിടെ എഴുതുക: