ആലുവ: സെന്റ് മേരീസ് ഹൈസ്‌കൂളിന്റെയും പൂര്‍വ്വ വിദ്യാര്‍ത്ഥി സംഘടനയായ ആഷയുടെയും ആഭിമുഖ്യത്തില്‍ നടക്കുന്ന എട്ടാമത് സെന്റിനറി ഇന്‍വിറ്റേഷന്‍ കപ്പ് ഫുട്‌ബോള്‍ ടൂര്‍ണമെന്റ് ഒളിമ്പ്യന്‍ കെ.എം. ബിനു ഉദ്ഘാടനം ചെയ്തു. അസി. കോര്‍പ്പറേറ്റ് മാനേജര്‍ ഫാ. സിജോ കിരിയന്താന്‍ അധ്യക്ഷത വഹിച്ച ചടങ്ങില്‍ മുന്‍ മുനിസിപ്പല്‍ ചെയര്‍മാന്മാരായ എം.ഒ. ജോണ്‍, എം.ടി. ജേക്കബ്, ആഷ പ്രസിഡന്റ് ചിന്നന്‍ ടി. പൈനാടത്ത്, പിടിഎ പ്രസിഡന്റ് ജയന്‍ ജി. നായര്‍, എം.എം. ജേക്കബ് തുടങ്ങിയവര്‍ സംസാരിച്ചു. തുടര്‍ന്ന് നടന്ന ആദ്യ മത്സരത്തില്‍ തൃക്കാക്കര കാര്‍ഡിനല്‍ എച്ച്എസ്എസ് മറുപടിയില്ലാത്ത മൂന്ന് ഗോളുകള്‍ക്ക് വാഴക്കുളം ഗവ. എച്ച്എസ്എസിനെ പരാജയപ്പെടുത്തി. രണ്ടാം കളിയില്‍ എസ്എന്‍ഡിപിഎച്ച്എസ്എസ് ടൈബ്രേക്കറിനൊടുവില്‍ രണ്ടിനെതിരെ നാല് ഗോളുകള്‍ക്ക് ബാപ്റ്റിസ്റ്റ് ഇഎംഎച്ച്എസ്എസിനെയും തോല്‍പ്പിച്ചു.
Wednesday, November 27, 2024
ഫുട്‌ബോള്‍ ടൂര്‍ണമെന്റ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: