കാക്കനാട്: അടിപിടി, മോഷണം, പിടിച്ചുപറി ഉള്‍പ്പെടെ നിരവധി കേസുകളില്‍ മുങ്ങി നടന്നയാളെ പിടികൂടി. മുണ്ടംപാലം അന്‍സില മന്‍സില്‍ ആസീഫ് (24) ആണ് പിടിയിലായത്. കഞ്ചാവ് ലഹരിയില്‍ മുണ്ടംപാലം സ്വദേശി മന്‍സൂറിനെ തലക്കടിച്ച് ഗുരുതരമായി പരിക്കേല്‍പ്പിച്ച കേസില്‍ മുന്‍കൂര്‍ ജാമ്യമെടുത്ത് രണ്ട് വര്‍ഷമായി പ്രതി മുങ്ങിനടക്കുകയായിരുന്നു.
ഐ ജിയുടെ നിര്‍ദേശ പ്രകാരം കൊച്ചി നഗരത്തില്‍ നടത്തിയ കോംബിങ് ഓപ്പറേഷനില്‍ ലോഡ്ജില്‍ നിന്നാണ് പ്രതിയെ സെന്‍ട്രല്‍ പോലീസ് പിടികൂടി തൃക്കാക്കര പോലീസിന് കൈമാറിയത്. സ്ഥിരം കുറ്റവാളിയായ പ്രതിക്കെതിരെ പാലാരിവട്ടം, വെള്ളത്തൂവല്‍ സ്റ്റേഷനുകളില്‍ മോഷണക്കേസുകളും തൃക്കാക്കര സ്റ്റേഷനുകളില്‍ അടിപിടി കേസുകളും കളമശ്ശേരി സ്റ്റേഷനില്‍ അനധികൃതമായി ആയുധം കൈവശം വെച്ചതിനുമാണ് പ്രതിക്കെതിരെ കേസ് നിലവിലുള്ളത്. ഇയാളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: