തിരുവനന്തപുരം: സംസ്ഥാനസര്ക്കാരും മൃഗസംരക്ഷണവകുപ്പും കെപ്കോയുമായി ചേര്ന്ന് കുടുംബശ്രീ ചിക്കന് പദ്ധതിക്ക് തുടക്കം കുറിക്കുന്നു. പദ്ധതിയുടെ ഉദ്ഘാടനം ഇന്ന് കനകക്കുകൊട്ടാരത്തില് രാവിലെ 11 ന് മന്ത്രി ഡോ ടി.എം. തോമസ് ഐസക് നിര്വഹിക്കും. കെ. മുരളീധരന് എംഎല്എയുടെ അധ്യക്ഷതയില് ചേരുന്ന യോഗത്തില് മന്ത്രി അഡ്വ കെ. രാജു മൃഗസംരക്ഷണ വകുപ്പ്-കുടുംബശ്രീ സംയോജനത്തിന്റെ ഔദ്യോഗിക തുടക്കം കുറിക്കലും കുടുംബശ്രീ യൂണിറ്റുകള്ക്കുള്ള റിവോള്വിങ് ഫണ്ട് വിതരണവും നിര്വഹിക്കും. കുടുംബശ്രീ ആരംഭിച്ച ഭക്ഷ്യസുരക്ഷാ ഭവനം പദ്ധതിയുടെ ലോഗോ പ്രകാശനം മന്ത്രി ഡോ കെ.ടി. ജലീല് നിര്വഹിക്കും. മുഴുവന് ജില്ലകളിലും ഹാച്ചറി യൂണിറ്റുകളും കോഴിയിറച്ചി വിപണന കേന്ദ്രങ്ങളും ആരംഭിച്ച് പദ്ധതി വിപുലപ്പെടുത്തി വനിതാ സംരംഭകര്ക്ക് മികച്ച വരുമാനം ലഭ്യമാക്കാനും കുടുംബശ്രീ ചിക്കന് പദ്ധതി വഴി കുടുംബശ്രീ ലക്ഷ്യമിടുന്നു. മൃഗസംരക്ഷണ മേഖലയില് കുടുംബശ്രീ, ഇറച്ചിക്കോഴി വളര്ത്തല്-കേരളത്തിലെ സാധ്യതകള് എന്നീ വിഷയങ്ങളില് സെമിനാറും സംഘടിപ്പിച്ചിട്ടുണ്ട്.
കുടുംബശ്രീ ചിക്കന് പദ്ധതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.