തിരുവനന്തപുരം: ആയിരക്കണക്കിന് വാഹനങ്ങള് സഞ്ചരിക്കുന്ന കാട്ടാക്കട-തിരുവനന്തപുരം റോഡിലെ പ്രധാന ജംഗ്ഷനായ തിരുമലയില് രാവിലെയും വൈകിട്ടും വാഹനക്കുരുക്കാണ്. റോഡിന്റെ ശോചനീയാവസ്ഥയാണ് കുരുക്കിന് മുഖ്യകാരണം. റോഡ് പൊട്ടപ്പൊളിഞ്ഞ് കുഴികളായിട്ട് മാസങ്ങളായി. കുഴികളെല്ലാം ഇപ്പോള് കുളങ്ങളായി പരന്നുകിടക്കുന്നു. ഇതുമൂലം റോഡേത് തോടേത് എന്ന് തിരിച്ചറിയാതെ എത്തുന്ന വണ്ടികള് അപകടത്തില്പ്പെടുന്നു.
സ്കൂട്ടര് യാത്രക്കാര്ക്കാണ് ഏറെ പ്രയാസം. കുളത്തില് ചാടിയ സ്കൂട്ടര് യാത്രക്കാര് നിരവധിയാണ്. റോഡിന്റെ ശോചനീയാവസ്ഥ പരിഹരിക്കണമെന്ന് തിരുമല കൗണ്സിലര് നിരവധി തവണ ആവശ്യപ്പെട്ടിട്ടും അധികൃതര്ക്ക് അനക്കമില്ല. റോഡിനായി പൊതുമരാമത്ത് മന്ത്രി ജി. സുധാകരന് സ്വന്തം വീടുപോലും ഉപേക്ഷിച്ച് വാര്ത്ത സൃഷ്ടിച്ചത് അവേശകരം തന്നെ.
എന്നാല് തിരുമലയിലെ റോഡ് ശ്രദ്ധിക്കാന് ബന്ധപ്പെട്ടവര്ക്ക് ഇതുവരെ കഴിഞ്ഞിട്ടില്ല. സമീപത്തെ റോഡിന്റെ ഓട്ടയടക്കാന് ശ്രദ്ധിക്കുന്ന പൊതുമരാമത്തുകാര് എന്തേ തിരുമലയോടിങ്ങനെ എന്നാണ് പരക്കെ ചോദ്യമുയര്ന്നത്.
