വൈപ്പിന്‍: പള്ളിപ്പുറം സര്‍വീസ് സഹകരണ ബാങ്കിന്റെ സമന്വയ സാംസ്‌കാരിക സദസിന്റെ ആഭിമുഖ്യത്തില്‍ പള്ളിപ്പുറം പഞ്ചായത്തിലെ ചെണ്ട വിദ്വാന്‍മാരെ ആദരിച്ചു. ഗുരുക്കന്‍ന്മാര്‍ക്ക് ആദരവ് പ്രകടിപ്പിച്ച് നൂറോളം ശിഷ്യമരുടെ പഞ്ചാരിമേളവും നടന്നു. ഗൗരീശ്വര മൈതാനിയിലാണ് ചടങ്ങ് നടന്നത്. രമേഷ് ദേവപ്പന്‍ പ്രമാണം വഹിച്ചു. ബാലസാഹിത്യകാരന്‍ സിപ്പിപള്ളിപ്പുറം ഉദ്ഘാടനം ചെയ്തു. എം.കെ. സീരി അധ്യക്ഷനായി. പഞ്ചായത്ത് പ്രസിഡന്റ് പി.കെ. രാധാകൃഷ്ണന്‍, മേളകലാകാരന്‍മാരായ ചേന്ദമംഗലം രഘുമാരാര്‍, ചേന്ദമംഗലം കൃഷ്ണക്കുറുപ്പ്, സുനില്‍കുമാര്‍ ചെറായി, കെ.ആര്‍. ഗോപി, പി.ബി. സജീവന്‍ എന്നിവര്‍ പ്രസംഗിച്ചു. ചേന്ദമംഗലം കൃഷ്ണക്കുറുപ്പ്, ആര്‍.എല്‍.വി. ഗോവിന്ദ് സുനില്‍ എന്നിവര്‍ അവതരിപ്പിച്ച കഥകളി കേളികൊട്ടും ചടങ്ങിന് മാറ്റുകൂട്ടി.
പ്രതികരിക്കാൻ ഇവിടെ എഴുതുക: