തൃപ്പൂണിത്തുറ: കര്‍ണാടക സംഗീത മഹാഗുരുവും തൃപ്പൂണിത്തുറ ആര്‍എല്‍വി സംഗീത കോളേജ് മുന്‍ പ്രിന്‍സിപ്പാളുമായിരുന്ന സംഗീത പരമാചാര്യ പ്രൊഫ. മാവേലിക്കര പ്രഭാകര വര്‍മ്മയുടെ 90-ാമത് ജയന്തി ആഘോഷം 11ന് വൈകിട്ട് 5.30ന് മടപ്പിള്ളി മഠം ശാസ്താ മന്ദിര്‍ ഓഡിറ്റോറിയത്തില്‍ കോട്ടക്കല്‍ ആര്യ വൈദ്യ ശാല ചാരിറ്റബിള്‍ ആശുപത്രി ചീഫ് മെഡിക്കല്‍ ഓഫീസര്‍ ഡോക്ടര്‍ പി. ബാലചന്ദ്രന്‍ ഉദ്ഘാടനം ചെയ്യും.
പ്രഭാകര വര്‍മയുടെ നാമദേയത്തില്‍ ശിഷ്യര്‍ ഏര്‍പ്പെടുത്തിയിട്ടുള്ള സംഗീത പ്രഭാകര പുരസ്‌കാരം 10,001 രൂപയും പ്രശസ്തിപത്രവും ഫലകവും സംഗീതജ്ഞന്‍ തൃശ്ശൂര്‍ വി. രാമചന്ദ്രന് സമ്മാനിക്കും. സമ്മേളനത്തില്‍ ശ്രീ സ്വാതി തിരുനാള്‍ സംഗീത കോളേജ് മുന്‍ പ്രിന്‍സിപ്പാള്‍ പ്രൊഫ.പി. ആര്‍. കുമാര കേരള വര്‍മ്മ അധ്യക്ഷനാകും.
വി. രാമചന്ദ്രന്റെ സംഗീത സദസ് നടക്കുമെന്ന് സംഘാടക സമിതി ഭാരവാഹികളായ പ്രൊഫ. മാവേലിക്കര പി. സുബ്രഹ്മണ്യം താമരക്കാട് ഗോവിന്ദന്‍ നമ്പൂതിരി എന്നിവര്‍ വാര്‍ത്ത കുറിപ്പില്‍ അറിയിച്ചു. വിവരങ്ങള്‍ക്ക് 9446011715.
പ്രതികരിക്കാൻ ഇവിടെ എഴുതുക: