പട്ടാമ്പി:മുതുതല പഞ്ചായത്തിലെ കൊടുമുണ്ട ഗേയിറ്റില് നിന്ന് പള്ളിപ്പുറം ഭാഗത്തെക്കുള്ള തീരദേശ റോഡിന്റെ ഇരുവശത്തുമുള്ള പൊന്ത കാടുകള് യുവമോര്ച്ച വെട്ടിത്തെളിച്ചു.
യുവമോര്ച്ച മുതുതല പഞ്ചായത്ത് സെക്രട്ടറി ഷീനുവിന്റെ നേത്യത്വത്തിലാണ് ശുചീകരണം നടന്നത്. റോഡിന്റെ ഇരുവശങ്ങളിലും ആളില്ലാത്ത ഭാഗം ആയതിനാല് കോഴി വെയ്സ്റ്റും, ബാര്ബര് ഷോപ്പിലെ തലമുടിയും കൊണ്ട് നിറഞ്ഞ നിലയിലായിരുന്നു. ഈ ഭാഗം മദ്യപാനികള് താവളമാക്കി മാറ്റിയിരുന്നു. രാത്രി സമയങ്ങളില് ബൈക്ക് യാത്രക്കാര്ക്ക് നേരെ ഇവിടെ തമ്പടിച്ചിരുന്ന നായ്ക്കുട്ടം അക്രമിക്കാന് ശ്രമിക്കുന്നതും പതിവായിരുന്നു.
പഞ്ചായത്തിനെ പല തവണ ഈ വിവരം അറിയിച്ചിട്ടും കാര്യം ഉണ്ടായില്ല എന്നാണ് ജനങ്ങള്പറയുന്നത്.
ശുചികരണ പരിപാടിക്ക് ബൂത്ത് പ്രസിഡണ്ട് രാജേഷ്, സന്തോഷ്,പ്രദീപ്, മോഹനന്, സുനില്കുമാര്, എന്നിവര് നേതൃത്വംനല്കി.
