മണ്ണാര്ക്കാട്:നാഷണല് ഹൈവേയില് പലഭാഗത്തും സ്ഥാപിക്കുന്ന ഹൈമാസ് ലൈറ്റുകള് ഗതാഗത തടസ്സം ഉണ്ടാക്കുന്നതായി പരാതി.മണ്ണാര്ക്കാട് ആശുപത്രിപ്പടിയില് സ്ഥാപിക്കുവാന് പോകുന്ന ഹൈമാസ് ലൈറ്റിന് വേണ്ടി കുഴിയെടുത്തിരിക്കുന്നത് ഇലക്ട്രിസിറ്റി പോസ്റ്റില് നിന്ന് റോഡിലേക്ക് ഇറക്കിയാണ്.
ഓപ്പറേഷന് അനന്തമൂലം ഇലക്ട്രിസിറ്റി ലൈനുകള് മാറ്റി സ്ഥാപിച്ച് റോഡിന്റെ വീതികൂട്ടിയിരുന്നു.എന്നാല് അതിനെയെല്ലാം അവഗണിച്ചാണ് ആശുപത്രിപടിയിലെ ഹൈമാസ് ലൈറ്റിനുവേണ്ടി കുഴിഎടുത്തിരിക്കുന്നത്.ഇത് മണ്ണാര്ക്കാട് വൈദ്യുതി വകുപ്പ് അറിഞ്ഞില്ലെന്നാണ് പറയുന്നത്.
അത്യാഹിത വാഹനങ്ങള് ഓടിച്ചുകൊണ്ടുപോകുമ്പോഴും, മെയിന് റോഡിലേക്ക് വാഹനങ്ങള് തിരിയുമ്പോഴും ഇവിടെ തടസ്സമുണ്ടാകുമെന്നാണ് നാട്ടുകാര് പറയുന്നത്.പോസ്റ്റിനു വേണ്ടി കുഴിച്ചിട്ടുള്ള കുഴി അപകടമാകുമെന്നും ഈ പോസ്റ്റ് മാറ്റി റോഡിന്റെ അരികിലേക്ക് മാറ്റണമെന്നാണ് നാട്ടുകാര് പറയുന്നത്.
നെല്ലിപ്പുഴ ജംങ്ഷനിലെ ഹൈമാസ് ലൈറ്റിനു വേണ്ടി കുഴിയെടുത്തതും അപകടമുണ്ടാകുമെന്ന് വാഹനഉടമകളും യാത്രക്കാരും ചൂണ്ടിക്കാണിക്കുന്നു.
