കൊച്ചി: ഭരണഭാഷാ വാരാചരണത്തിന് നവംബര്‍ ഒന്നിന് കളക്ടറേറ്റ് കോണ്‍ഫറന്‍സ് ഹാളില്‍ തുടങ്ങും. രാവിലെ 10.30ന് ജില്ലാ കളക്ടര്‍ മുഹമ്മദ് വൈ. സഫിറുള്ള ഉദ്ഘാടനം ചെയ്യും. ഡോ. സുനില്‍.പി. ഇളയിടം മുഖ്യപ്രഭാഷണം നടത്തും. എഡിഎം എം.കെ കബീര്‍ അദ്ധ്യക്ഷനാകും. ഭരണഭാഷയില്‍ മികവു പുലര്‍ത്തിയ ജീവനക്കാര്‍ക്കുള്ള പുരസ്‌കാരം നല്‍കും. ഭരണഭാഷാ വാരാചരണത്തിന്റെ ഭാഗമായി ജീവനക്കാര്‍ക്കുള്ള കഥാരചന, പ്രബന്ധരചന മത്സരങ്ങള്‍ നവംബര്‍ രണ്ടിനും ആകാശവാണി – പി.ആര്‍.ഡി മലയാള ഭാഷാ ക്വിസ് മത്സരം നവംബര്‍ ആറിനും കളക്ടറേറ്റിലെ സ്പാര്‍ക്ക് ഹാളില്‍ നടക്കും. ഉച്ചയ്‌ക്ക് 2.30നാണ് മത്സരങ്ങള്‍. ക്വിസ് മത്സരത്തില്‍ രണ്ടു പേരുള്ള ടീമായാണ് മത്സരം. വിവരങ്ങള്‍ക്ക്: 0484 -2354208.
പ്രതികരിക്കാൻ ഇവിടെ എഴുതുക: