നിലമ്പൂര്: ചന്തക്കുന്ന് സ്റ്റാന്ഡിലേക്ക് ബസുകള് പ്രവേശിക്കുന്നിടത്തെ ഓടയുടെ സ്ലാബ് തകര്ന്ന് ഉണ്ടായ കുഴി യാത്രക്കാര്ക്ക് ഭീഷണിയാകുന്നു. നിരവധി യാത്രകാരാണ് അറിയാതെ ഓടയില് വീണത്. വിദ്യാര്ഥികള് അടക്കമുള്ള കാല്നടയാത്രകാര്ക്കും വാഹനങ്ങള്ക്കും ഒരു പോലെ ഭീഷണിയാണ് സ്ലാബ് തകര്ന്നിട്ടും നരസഭ അധികൃതര് കണ്ടഭാവം നടിക്കുന്നില്ല. ഇത് മാറ്റി സ്ഥാപിക്കാത്തതു മൂലം അപകടഭീതിയോടെയാണ് യാത്രകാര് ഇതുവഴി പോകുന്നത്. അന്ത:സംസ്ഥാന ബസുകള് അടക്കം നൂറുകണക്കിന് യാത്രാബസുകളും യാത്രക്കാരും സഞ്ചരിക്കുന്ന തിരക്കേറിയ സ്ഥലമാണ് ചന്തക്കുന്ന് ബസ് സ്റ്റാന്ഡ്. കൂടാതെ നിലമ്പൂര് റെയില്വേ സ്റ്റേഷനിലെത്തുന്ന മിക്ക യാത്രക്കാരും ചന്തക്കുന്നിലെത്തിയാണ് മറ്റു സ്ഥലങ്ങളിലേക്ക് യാത്ര ചെയ്യുന്നത്. രാത്രിയെന്നോ പകലെന്നോ വിത്യാസമില്ലാതെയാണ് യാത്രക്കാര് സ്റ്റാന്ഡിലെത്തുന്നതും പോകുന്നതും.
സ്ലാബുകള് അറ്റകുറ്റപണി നടത്തണമെന്ന് നാട്ടുകാര് ആവശ്യപ്പെട്ടു.
