പട്ടാമ്പി:കൊപ്പം ഗ്രാമ പഞ്ചായത്ത് പള്ളം പാടശേഖര സമിതിക്ക് കൈമാറിയ ട്രാക്ടര്‍ തുരുമ്പെടുത്ത് നശിക്കുന്നു. മാസങ്ങളായി പ്രവര്‍ത്തന രഹിതമായി കിടക്കുന്ന ട്രാക്ടര്‍ ഉപയോഗപ്രദമാക്കാന്‍ പഞ്ചായത്ത് ഭരണ സമിതിയോ പള്ളം പാടശേഖര സമിതിയോ ശ്രമിക്കുന്നില്ല.
നിരവധി തവണ ട്രാക്ടര്‍ നന്നാക്കണമെന്ന് ആവശ്യപ്പെട്ടെങ്കിലും പഞ്ചായത്തും പാടശേഖരസമിതിയും വേണ്ട നടപടികള്‍ സ്വീകരിച്ചില്ലെന്നാണ് കര്‍ഷകര്‍ പറയുന്നത്.
ഇതിനാല്‍ ഈ മേഖലയിലെ കൃഷിക്കാര്‍ വാടകയ്‌ക്ക് പുറത്ത് നിന്ന് ട്രാക്ടര്‍ ഉപയോഗിച്ചാണ് തങ്ങളുടെ കൃഷി സ്ഥലത്തെ പണികള്‍ ചെയ്യിപ്പിക്കുന്നത്.ഈ അവസ്ഥക്ക് ഉടന്‍ പരിഹാരം കാണണമെന്ന് കൊപ്പം ബിജെപി പഞ്ചായത്ത് കമ്മിറ്റി ആവശ്യപ്പെട്ടു.
യോഗത്തില്‍ ബിജെപി പഞ്ചയത്ത് പ്രസിഡണ്ട് ഭാസ്‌കരന്‍, സുനില്‍കുമാര്‍, ഷണ്‍മുഖന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: