പുന്നപ്ര: പുന്നപ്ര വടക്ക് ഗ്രാമപഞ്ചായത്ത് സെക്രട്ടറിയെ ബിജെപി ഉപരോധിച്ചു. അനധികൃത നികുതി പിരിവ് പിന്വലിക്കണം എന്ന് ആവശ്യപ്പെട്ടാണ് ബിജെപി പറവൂര്, പുന്നപ്ര വടക്ക് ഏരിയാ കമ്മിറ്റികളുടെ നേതൃത്വത്തില് ഗ്രാമപഞ്ചായത്ത് സെക്രട്ടറിയെ ഉപരോധിച്ചത്.
ഉദ്യോഗസ്ഥരുടെ അനാസ്ഥ മൂലം മുന്കാലങ്ങളില് അടച്ചിട്ടുളള നികുതി പോലും കുടിശ്ശിക ആയി രേഖപ്പെടുത്തി സാധാരണക്കാര്ക്ക് നോട്ടീസ് അയച്ചു നിര്ബന്ധപൂര്വ്വം നികുതി പിരിക്കുന്ന പഞ്ചായത്ത് അധികൃതകര്ക്കെതിരെ നടപടി എടുക്കണമെന്ന് ഉപരോധ സമരം ഉദ്ഘാടനം ചെയ്ത് ബിജെപി ജില്ലാ സെക്രട്ടറി എല്.പി. ജയചന്ദ്രന് പറഞ്ഞു.
സമരത്തിന് ഭാരവാഹികളായ വി. ബാബുരാജ്, ആര്. കണ്ണന്, ബിജു തുണ്ടില്, സ്മിത ഷേണായ്, ജി. രമേശന് ഏരിയാ കമ്മിറ്റി പ്രസിഡന്റുമാരായ എസ്സ്. സുമേഷ്, എസ്സ്. ശശിധരന് നായര് ജനറല്സെക്രട്ടറിമാരായ എസ്സ്. ഷാജി, പി. അനില്കുമാര്, ജീജാ എന്നിവര് നേതൃത്വം നല്കി.
വസ്തു നികുതിയുമായി ബന്ധപ്പെട്ട് ക്രമക്കേട് നടത്തിയ ഉദ്യോഗസ്ഥര്ക്കെതിരെ നടപടി കൈക്കൊളളാം എന്ന പഞ്ചായത്ത് സെക്രട്ടറിയുടെ രേഖാമൂലം ഉളള ഉറപ്പിന്മേല് ഉപരോധ സമരം അവസാനിപ്പിച്ചു.
