കൊല്ലങ്കോട്:മുതലമട മീങ്കര ഡാമില്‍ ഹോട്ടല്‍ മാലിന്യവുമായി എത്തിയ വാഹനത്തെ നാട്ടുകാര്‍ തടഞ്ഞു. ഡ്രൈവറെ പോലീസ് അറസ്റ്റ് ചെയ്തു.
കോട്ടയം മാരിയത്തൂര്‍ സ്വദേശി ജീഥിന്‍ കുമാര്‍(31)നെയാണ് അഡീ.എസ്.ഐ കുട്ടുമണിയും സംഘവും അറസ്റ്റ് ചെയ്തത്. ഡാമിനടുത്തുള്ള പന്നിഫാമിലേക്കാണ് കോട്ടയം മേഖലയില്‍ നിന്നുള്ള ഹോട്ടല്‍ മാലിന്യം എത്തിച്ചതെന്ന് പോലീസ് പറഞ്ഞു. ജയിലാവുദീന്‍, ഹാരിസ്, വി.കാളി മുത്തു, മണി, മുരുകേശന്‍ എന്നിവരുടെ നേതൃത്വത്തിലാണ് മാലിന്യവുമായെത്തിയ ലോറിയെ തടഞ്ഞത്. വാഹനത്തെ പോലീസ് കസ്റ്റഡിയിലെടുത്തു.
മുതലമട പഞ്ചായത്തില്‍ പുറത്തു നിന്നും മാലിന്യം കൊണ്ടുവന്ന് നിക്ഷേപിക്കുന്നത് നിര്‍ത്തിയുള്ള കോടതി വിധിയും പഞ്ചായത്തിന്റെ ഉത്തരവ് ഉണ്ടായിട്ടും സ്വകാര്യ വ്യക്തികള്‍ നിരന്തരം നിയമം ലഘിക്കുന്നതായി പറയുന്നു.
കഴിഞ്ഞ ആഴ്ച ചെമ്മണാംമ്പതി ചപ്പക്കാട് പ്രദേശങ്ങളിലും മാലിന്യ നിക്ഷേപം നടത്തിയവര്‍ക്കെതിരെ നാട്ടുകാരുടെ പ്രതിഷേധത്തെ തുടര്‍ന്ന് മാലിന്യ നിക്ഷേപം നടത്തിയവര്‍ക്കെതിരെ പോലീസ് കേസെടുത്തിരുന്നു.
പ്രതികരിക്കാൻ ഇവിടെ എഴുതുക: