തിരുവനന്തപുരം: കേന്ദ്ര പഞ്ചായത്ത്രാജ് മന്ത്രാലയം അഡീഷണല് സെക്രട്ടറി ജില്ലാ പഞ്ചായത്ത് സന്ദര്ശിച്ചു. അഡീഷണല് സെക്രട്ടറി ഡോ ബാല പ്രസാദാണ് വെള്ളിയാഴ്ച ജില്ലാ പഞ്ചായത്തിലെത്തിയത്. സംസ്ഥാനത്ത് മികച്ച പ്രവര്ത്തനങ്ങള് കാഴ്ച വയ്ക്കുന്ന തദ്ദേശസ്വയംഭരണ സ്ഥാപനങ്ങളില് നേരിട്ടെത്തി നടപ്പാക്കുന്ന വിവിധ വികസന, ക്ഷേമ പദ്ധതികള് കണ്ടറിയുകയായിരുന്നു സന്ദര്ശനലക്ഷ്യം. ജില്ലാ പഞ്ചായത്ത് പ്രസിഡന്റ് വി.കെ. മധു, പഞ്ചായത്ത് സെക്രട്ടറി കെ. ചന്ദ്രശേഖരന്നായര്, മറ്റ് ഉദ്യോഗസ്ഥര് എന്നിവരുമായി അദ്ദേഹം ചര്ച്ച നടത്തി. ആരോഗ്യ-വിദ്യാഭ്യാസ മേഖലയില് ജില്ലാ പഞ്ചായത്ത് നടപ്പാക്കുന്ന കാര്യക്ഷമമായ ഇടപെടലുകളില് അദ്ദേഹം സംതൃപ്തി പ്രകടിപ്പിച്ചു. വിദ്യാര്ഥികളുടെ പഠനനിലവാരം ഉയര്ത്തുന്നതിനായി നടപ്പാക്കിയ നൂതന പദ്ധതികളും ജില്ലാ ആശുപത്രികളില് സജ്ജീകരിച്ച സൗകര്യങ്ങളും അറിഞ്ഞ ഡോ ബാലപ്രസാദ് ജില്ലാ പഞ്ചായത്തിനെ അഭിനന്ദിച്ചു. പഞ്ചായത്ത് അഡീഷണല് ഡയറക്ടര് അജിത് കുമാറും അദേഹത്തോടൊപ്പമുണ്ടായി.
ജില്ലയിലെ കരകുളം, മാണിക്കല് പഞ്ചായത്തുകളും സന്ദര്ശിച്ചു. ശനിയാഴ്ച കുലശേഖരം (കൊല്ലം), കഞ്ഞിക്കുഴി (ആലപ്പുഴ), പള്ളുരുത്തി (എറണാകുളം) എന്നീ പഞ്ചായത്തുകളും സന്ദര്ശിച്ച ശേഷം അദ്ദേഹം ദല്ഹിയിക്ക് മടങ്ങും.
