തിരുവനന്തപുരം: ഓള് കേരള ഗവ. കോണ്ട്രാക്ടേഴ്സ് അസോസിയേഷന്റെയും കേരള ഗവ. കോണ്ട്രാക്ടേഴ്സ് ഫെഡറേഷന്റെയും സംയുക്താഭിമുഖ്യത്തില് വിവിധ ആവശ്യങ്ങള് ഉന്നയിച്ച് ഗവ. കരാറുകാര് സെക്രട്ടേറിയറ്റ് മാര്ച്ച് നടത്തി.
ജിഎസ്ടി അടയ്ക്കേണ്ട തുക എസ്റ്റിമേറ്റില് ഉള്പ്പെടുത്തുക, ജിഎസ്ടി നടപ്പാക്കുമ്പോള് കോമ്പൗണ്ടിംഗ് രീതി നിലനിര്ത്തുക, തദ്ദേശ സ്വയംഭരണവകുപ്പില് ടാര് വാങ്ങി നല്കുക, എസ്റ്റിമേറ്റില് ടാറിന്റെ യഥാര്ഥവില ഉള്പ്പെടുത്തുക തുടങ്ങിയ ആവശ്യങ്ങള് ഉന്നയിച്ചായിരുന്നു മാര്ച്ച്.
വി.കെ.സി. മമ്മദ്കോയ എംഎല്എ ഉദ്ഘാടനം ചെയ്തു. ഓള് കേരള ഗവ. കോണ്ട്രാക്ടേഴ്സ് അസോസിയേഷന് വര്ക്കിംഗ്പ്രസിഡന്റ് കെ.സി. ജോണ് അധ്യക്ഷതവഹിച്ചു. മുന്മന്ത്രി കെ. ശങ്കരനാരായണപിള്ള, സംസ്ഥാന നേതാക്കളായ സണ്ണി ചെന്നിക്കര, പി. നാഗരത്നന്, കെ.ജെ. വര്ഗീസ്, കെ.എം. അക്ബര്, ജി. തൃദീപ്, പി.വി. കൃഷ്ണന്, പി. മോഹന്കുമാര് എന്നിവര് പ്രസംഗിച്ചു. 16 മുതല് സംസ്ഥാനത്തെ മുഴുവന് നിര്മാണപ്രവര്ത്തനങ്ങളും നിര്ത്തിവയ്ക്കാനും നാളെ മുതല് എല്ലാ ടെന്ഡറുകളും ബഹിഷ്കരിക്കാനും തീരുമാനിച്ചതായി ഓള് കേരള ഗവ. കോണ്ട്രാക്ടേഴ്സ് അസോസിയേഷന് ജനറല് സെക്രട്ടറി സണ്ണി ചെന്നിക്കര, കേരള ഗവ. കോണ്ട്രാക്ടേഴ്സ് ഫെഡറേഷന് ജനറല് സെക്രട്ടറി പി. നാഗരത്നന് എന്നിവര് അറിയിച്ചു.
