ആലപ്പുഴ: സോളാര് അന്വേഷണ കമ്മീഷന്റെ റിപ്പോര്ട്ടിന്റെ അടിസ്ഥാനത്തില് മാനഭംഗത്തിന് പ്രതിപ്പട്ടികയില് ചേര്ത്ത കെ.സി. വേണുഗോപാല് എംപി സ്ഥാനം രാജിവച്ച് ആലപ്പുഴയുടെ മാനം കാക്കണമെന്ന് ദക്ഷിണമേഖലാ പ്രസിഡന്റ് വെള്ളിയാകുളം പരമേശ്വരന് ആവശ്യപ്പെട്ടു.
വേണുഗോപാല് രാജിവെക്കണമെന്ന് ആവശ്യപ്പെട്ട് കൊണ്ട് ബിജെപി ആലപ്പുഴ നഗരത്തില് നടത്തിയ പ്രതിഷേധപ്രകടനം ഉദ്ഘാടനം ചെയ്യുകയായിരുന്നു അദ്ദേഹം. സോളാര് അഴിമതി വിവാദത്തില് ഏറെ തവണ പേര് പരമാര്ശിക്കപ്പെട്ട ആലപ്പുഴ എംപി കള്ളം പറഞ്ഞ് ജനങ്ങളെ വഞ്ചിക്കുകയായിരുന്നു.
പൊതുപ്രവര്ത്തനത്തില് മാന്യത പുലര്ത്തുന്നുവെങ്കില് പൊതുജനത്തോട് മാപ്പ് പറയണമെന്നും അദ്ദേഹം പറഞ്ഞു. ബിജെപി ജില്ലാ പ്രസിഡന്റ് കെ. സോമന് അധ്യക്ഷനായി.
ബിജെപി ജില്ലാ ഭാരവാഹികളായ കൊട്ടാരം ഉണ്ണികൃഷ്ണന്, ഡി. പ്രദീപ്, എല്.പി. ജയചന്ദ്രന് കെ.ജി. കര്ത്താ മണ്ഡലം പ്രസിഡന്റുമാരായ ജി. വിനോദ് കുമാര്, വി. ശ്രീജിത്ത് എന്നിവര് പ്രസംഗിച്ചു.
