കാലടി: യോഗ ക്ഷേമ സഭാ ജില്ലാ കലാമേള നവനീതം 2017 ശ്രീമൂലനഗരം അകവൂര്‍ സ്‌കൂളില്‍ അന്‍വര്‍ സാദത്ത് എംഎല്‍എ ഉദ്ഘാടനം ചെയ്തു. ജില്ലാ പ്രസിഡന്റ് കെ.ആര്‍. കൃഷ്ണ ഭട്ടതിരിപ്പാട് അദ്ധ്യക്ഷനായി. ശങ്കരപഠന വിജയിക്കള്‍ക്ക് പഞ്ചായത്ത് പ്രസിഡന്റ് എം.പി. ലോനപ്പന്‍ സമ്മാനദാനം നടത്തി. ജില്ലാ സെക്രട്ടറി ബ്രിഗേഷ് പട്ടശേരി, എ. സന്തോഷ്, ടി.ആര്‍.വി വല്ലഭന്‍ നമ്പൂതിരിപ്പാട്, പി.വി ശിവദാസ്, വി.കെ. സഫിയ എന്നിവര്‍ സംസാരിച്ചു. കൊച്ചിന്‍ യൂണിവേഴ്‌സിസിറ്റി പ്രൊ. വൈസ് ചാന്‍സിലര്‍ ഡോ.ശങ്കരന്‍ നമ്പൂതിരിപ്പാട് കഥകളിമേള വിദ്വാന്‍ കലാമണ്ഡലം രാമന്‍ നമ്പൂതിരി, ആട്ട കലാക്കാരന്‍ കലാമണ്ഡലം കാളിദാസന്‍ എന്നിവരെ ആദരിച്ചു. രാവിലെ 8ന് അകവൂര്‍ കുഞ്ഞനിയന്‍ നമ്പൂതിരിപ്പാട് പതാക ഉയര്‍ത്തുകയും പൂലിയന്നൂര്‍ വാസുദേവന്‍ നമ്പൂതിരിപ്പാട് ദീപ പ്രോജ്ജ്വലനം നടത്തുകയും ചെയ്തു. വൈകിട്ട് നടന്ന സമാപന സമ്മേളനം ശ്രീമൂലനഗരം മോഹനന്‍ ഉദ്ഘാടനം ചെയ്തു. കെ.ആര്‍ കൃഷ്ണ ഭട്ടതിരിപ്പാട് അദ്ധ്യക്ഷനായി. വിജയികള്‍ക്ക് ഉള്ള സമ്മാനദാനം കൃഷ്ണന്‍ ശീവൊള്ളി വിതരണം ചെയ്തു. ദാമോദരന്‍ നമ്പൂതിരി, നാരായണന്‍ നമ്പൂതിരി, സ്‌കൂള്‍ മാനേജര്‍ സന്തോഷ്, വെടിയൂര്‍ നാരായണന്‍ നമ്പൂതിരി, എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: