കൊച്ചി: ജനസേവ ശിശുഭവനിലെ കെ. അജിത്ത്കുമാറിനെ ജില്ലാ ജൂനിയര്‍ ഫുട്‌ബോള്‍ ടീമിലേക്ക് തിരഞ്ഞെടുത്തു. നെടുമ്പാശ്ശേരി എം. എ. എച്ച്.എസ് -ലെ പത്താം ക്ലാസ്സ് വിദ്യാര്‍ത്ഥിയാണ്. മുന്‍ സന്തോഷ്‌ട്രോഫി താരവും ജനസേവ സ്‌പോര്‍ട്‌സ് അക്കാദമിയിലെ ഫുട്‌ബോള്‍ കോച്ചുമായ സോളി സേവ്യറിന്റെ കീഴിലാണ് ജനസേവയിലെ കുട്ടികളുടെ ഫുട്‌ബോള്‍ പരിശീലനം.
തമിഴ്‌നാട് സ്വദേശിയായ അച്ഛന്‍ കരുണാനിധി മരിച്ചതിനെ തുടര്‍ന്ന് 2010ല്‍ അമ്മ സരസ്വതിയോടൊപ്പം കേരളത്തിലെത്തിയതാണ് അജിത്ത്കുമാറും സഹോദരനും. അമ്മ കൂലിപ്പണിചെയ്ത് കിട്ടുന്ന വരുമാനംകൊണ്ട് ജീവിക്കാന്‍ നിവൃത്തിയില്ലാതെ വന്നപ്പോഴാണ് കാക്കനാട് സ്വദേശികളായ ദമ്പതികളുടെ സഹായത്തോടെ അജിത്ത്കുമാറും സഹോദരനും ജനസേവ ശിശുഭവനില്‍ അഭയംതേടിയത്.
മൂവാറ്റുപുഴയില്‍ നടന്ന അങ്കമാലി ഉപജില്ലാ ഇന്റര്‍സ്‌കൂള്‍ കായികമേളയില്‍ ഉപജില്ലാ ജൂനിയര്‍ ഫുട്‌ബോള്‍ മത്സരത്തില്‍ മികച്ച പ്രകടനം കാഴ്ചവച്ചതാണ് അജിത്തിന് ജില്ലാ ടീമിലേക്ക് അവസരമൊരുങ്ങിയത്.
പ്രതികരിക്കാൻ ഇവിടെ എഴുതുക: