കൊച്ചി: കൊതുക് പരത്തുന്ന രോഗങ്ങളും ജില്ലയില്‍ ഏറി. ഈഡിസ് കൊതുക് പരത്തുന്ന ഡെങ്കിപ്പനി ഈ വര്‍ഷം എട്ടുമാസമായപ്പോള്‍തന്നെ 429 പേര്‍ക്ക് പിടിപെട്ടു. കഴിഞ്ഞവര്‍ഷം ആകെ 431 പേര്‍ക്കാണ് രോഗം പിടിപെട്ടത്. കൊതുക് സാന്ദ്രത കുറയാത്തതിനാല്‍ രോഗബാധിതരുടെ എണ്ണം ഇനിയും ഉയരും. മലമ്പനി ബാധിതരുടെ എണ്ണം 101 ആയി.
കൊതുകിന്റെ സാന്ദ്രതാ പഠനം ആരോഗ്യവകുപ്പ് ഇടയ്‌ക്കിടെ നടത്തുന്നുണ്ട്. എന്നാല്‍, കൊതുക് നിര്‍മ്മാര്‍ജ്ജന പ്രവര്‍ത്തനങ്ങള്‍ കാര്യക്ഷമമല്ലെന്നാണ് കൊതുക് ജന്യരോഗങ്ങളുടെ കണക്ക് സൂചിപ്പിക്കുന്നത്.
പ്രതികരിക്കാൻ ഇവിടെ എഴുതുക: