ഒറ്റപ്പാലം:പോലീസിനു നേരെ കയ്യേറ്റത്തിനു മുതിര്ന്ന സഹോദരങ്ങള് അറസ്റ്റില്. സമന്സു നല്കാന് പോയ പോലീസുകാര്ക്കുനേരെയാണു കയ്യേറ്റം നടന്നത്. പഴയ ലക്കടി അകലൂര് പൂതിരി വീട്ടില് ഹരിദാസ് (40) സഹോദരന് കൃഷ്ണന് കുട്ടി (42) എന്നിവരെയാണു അറസ്റ്റു ചെയ്തത്. കഴിഞ്ഞ ദിവസം ഉച്ചക്കാണു സംഭവം.
കോടതിയുടെ സമന്സ് നല്കാന് ഒപ്പാലം പോലീസ് സ്റ്റേഷനിലെ സിവില് പോലീസ് ഓഫീസറായ സി.സുനീഷ് പരാതിക്കാരനായ ഹരിദാസിന്റെ വീട്ടില് എത്തിയതിനെ തുടര്ന്നാണു സംഭവം ഉണ്ടായത്. വധശ്രമ കേസില് ഹരിദാസനുംമറ്റൊരു സഹോദരനായ സാക്ഷി ശങ്കരന് കുട്ടിക്കുമായിരുന്നു സമന്സ്.
എന്നാല് ഇതു കൈപ്പറ്റാന് തയ്യാറാകാത്ത സഹോദരങ്ങള് പോലീസിന്റെ പക്കല് നിന്നും സമന്സ് പിടിച്ചു വാങ്ങുകയും അതിനെ തുടര്ന്നു അക്രമത്തില് കലാശിക്കുകയുമായിരുന്നു. ഹരിദാസിന്റെ സഹോദരനായ ശങ്കരന് കുട്ടിയെ കണ്ടെത്താനായിട്ടില്ലെന്നു പോലീസ്പറഞ്ഞു.
