പരപ്പനങ്ങാടി: തിരൂരങ്ങാടി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.രാകേഷിന്റെ നേതൃത്വത്തില്‍ വേങ്ങര, കണ്ണമംഗലം, എരഞ്ഞിപ്പടി ഭാഗങ്ങളില്‍ നടത്തിയ റെയ്ഡിലും വാഹന പരിശോധനയിലും 10 ലിറ്ററില്‍ ഏറെ വിദേശമദ്യവും ഓട്ടോറിക്ഷയും പിടികൂടി കേസെടുത്തു.
ഓട്ടോ ഡ്രൈവര്‍ കുറ്റൂര്‍ നോര്‍ത്ത് സ്വദേശി സുധീഷ്, മുല്ലപ്പടിയില്‍ വേലായുധന്‍, കുഴിച്ചിന സ്വദേശി മുസ്തഫ, എരഞ്ഞിപ്പടി ശശി എന്നിവരെയാണ് അറസ്റ്റ് ചെയ്തത്. പാക്കടപ്പുറയ, കുറ്റൂര്‍ നോര്‍ത്ത്, തീണ്ടേക്കാട് ഭാഗങ്ങളില്‍ അനധികൃത മദ്യ കച്ചവടം നടത്തുന്നവരെക്കുറിച്ച് വിവരം ലഭിച്ചിട്ടുണ്ടെന്ന് സര്‍ക്കിള്‍ ഇന്‍സ്‌പെക്ടര്‍ അറിയിച്ചു.
റെയ്ഡില്‍ സിഐക്ക് പുറമെ പ്രിവന്റീവ് ഓഫീസര്‍മാരായ അഭിലാഷ്, സുര്‍ജിത്, സിവില്‍ ഓഫിസര്‍മാരായ പ്രഗേഷ്, ഷിജു, അരവിന്ദന്‍, അജൂ, ചന്ദ്ര മോഹന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: