വടക്കഞ്ചേരി:കഴിഞ്ഞ ഒരാഴ്ചയായി നഗരത്തിലെ മാലിന്യങ്ങള് ശേഖരിക്കുന്നില്ലെന്ന് ആക്ഷേപം.വടക്കഞ്ചേരിയിലെ പഴയ പോസ്റ്റോ ഫീസ് റോഡിലെ ചില വ്യാപാര സ്ഥാപനങ്ങളുടെ മുന്പില് നിന്നും മാലിന്യം എടുത്തു കൊണ്ടു പോകുന്നില്ലെന്നാണ് പരാതി.
കഴിഞ്ഞ ദിവസം മാലിന്യം കുമിഞ്ഞുകൂടി ദുര്ഗന്ധം പരന്നതോടെ വ്യാപാരികള്, മാലിന്യം കയറ്റാന് വന്ന തൊഴിലാളികളോട് പരാതിപ്പെട്ടെങ്കിലും ഫലമുണ്ടായില്ല. വിവിധ സ്ഥാപനങ്ങളുടെ മാലിന്യങ്ങള് വേര്തിരിച്ച് കവറുകളിലും മറ്റുമാക്കിയാണ് ഒരു ഭാഗത്ത് കൂട്ടി വയ്ക്കുന്നത് ഇത് മാലിന്യവണ്ടി വന്ന് കൊണ്ട് പോവുകയാണ് പതിവ്.
എന്നാല് യാചകരും മറ്റും മാലിന്യങ്ങള് അലക്ഷ്യമായി ഇടുന്നത് പതിവായിരിക്കുകയാണ്. ഇതുമൂലമാണ് മാലിന്യം കയറ്റുന്നതിന് തൊഴിലാളികള് വിമുഖത കാണിക്കുന്നത്.
