നാലാള്‍കൂടുന്നിടത്തിപ്പോഴും ആള്‍ക്കാരുടെ ചര്‍ച്ച നടന്‍ ദിലീപിന്റെ ജാമ്യമാണ്.കിട്ടുമെന്നും കിട്ടില്ലെന്നും അവര്‍തന്നെ ഉറപ്പിക്കുന്നു.ഇങ്ങനെ പ്രധാനവാര്‍ത്തകള്‍ എവിടേയും വായിക്കുന്നതും പറയുന്നതും സാധാരണക്കാര്‍ മാത്രമല്ല,ജീവിതത്തിന്റെ വ്യത്യസ്ത തുറകളില്‍പെട്ടവര്‍ പലരുമാണ്.ഇതുപറയുന്നവരുടെ ജീവിതത്തില്‍ അനവധി സങ്കീണ്ണ പ്രശ്‌നങ്ങള്‍ ഉള്ളപ്പോള്‍ തന്നെയാണ് അതിനുംമേലെ നടി ആക്രമിക്കപ്പെട്ടകേസും അനുബന്ധസംഭവങ്ങളും ചര്‍ച്ചകളില്‍ പൊങ്ങിവരുന്നത്.
കേരളത്തില്‍ ഒരിക്കലും സംഭവിക്കാന്‍പാടില്ലാത്തതാണ് നടി ആക്രമിക്കപ്പെട്ടസംഭവവും അതിനെത്തുടര്‍ന്നുണ്ടായ ഞെട്ടിപ്പിക്കുന്നകഥകളും എന്നതാവണം എല്ലാപ്രശ്‌നത്തിനും മീതെ നിത്യവും ഇപ്പോള്‍ ദിലീപ് പ്രശ്‌നം ചര്‍ച്ചയാകുന്നത്.ദിലീപിനെപ്പോലൊരു ജനപ്രിയ നായകന്‍ തീരെ മോശപ്പെട്ട ഇത്തരമൊരു കാര്യത്തില്‍ ജയിലിലാകുമെന്നു പ്രേക്ഷകന്‍ ഒരിക്കലും ചിന്തിച്ചുകാണില്ല.
അതാണ് ദിലീപിന്റെ ജാമ്യപ്രശ്‌നങ്ങളും മറ്റും ചര്‍ച്ചകളില്‍ മുന്‍ഗണന നേടുന്നത്.
ജനത്തെ ഞെട്ടിക്കുകയും വെറുപ്പിക്കുകയുംചെയ്ത നടി ആക്രമിക്കപ്പെട്ട പ്രശ്‌നത്തിന്റെപേരില്‍ സിനിമാക്കാര്‍ക്കുകിട്ടിയത്് വലിയ പണിതന്നെയാണ്.
ഇപ്പഴും അതുതുടര്‍ന്നുപോകുകയാണ്.മൂന്നുമാസമായിട്ട് മലയാള സിനിമകളെല്ലാം നഷ്ടത്തില്‍ കൈ പൊള്ളിയിരിക്കുകയാണ്.വലിയ വന്‍പുപറഞ്ഞിറക്കിയ ഓണച്ചിത്രങ്ങള്‍പോലും എട്ടുനിലയില്‍ പൊട്ടി.
നടി ആക്രമിക്കപ്പെട്ടതിനോടുംമറ്റും ജനം പ്രതികരിക്കുന്നത് മലയാള സിനിമയെ തോല്‍പ്പിച്ചുകൊണ്ടാണ്. പൊതുവില്‍ സിനിമാക്കാര്‍ മോശക്കാരെന്ന് തോന്നുംവിധമാണ് ഇപ്പോള്‍ ആളുകളുടെ മനോഭാവം എന്നുവേണം കരുതാന്‍. ഇങ്ങനെ കേരളീയ സമൂഹത്തില്‍ വന്‍ നടുക്കം ഉണ്ടാക്കിയ സംഭവം എന്നനിലയില്‍ ദിലീപിന്റെ ജയില്‍വാസവും ജാമ്യവുമൊക്കെ നിലവില്‍ ചാര്‍ച്ചകളായിത്തന്നെ കത്തിനില്‍ക്കും എന്നുതന്നെയാണ് മനസിലാകുന്നത്.
പ്രതികരിക്കാൻ ഇവിടെ എഴുതുക: